Bu borada CSKA o'rinbosarlari bosh murabbiyi Dmitriy Igdisamov bilan suhbatlashdik. Aslida Toshkentda tug'ilgan mutaxassis malum vaqtdan so'ng Rossiyaga ko'chib ketgan. Murabbiylik faoliyati davomida "Rubin", CSKA akademiyalarida mehnat qilgan.
- Mendagi malumotlarga qaraganda yoshligingizda Aziz Haydarov, Aleksandr Lobanov bilan birga o'ynagan ekansiz. Aytingchi, bu qanday sodir bo'lgan?
- Ular bilan birga o'ynamaganman. Faqatgina Aziz Haydarov, Aleksandr Lobanov to'p tepadigan jamoaga qarshi maydonga chiqqanman. Men "Sergeli" klubi tarbiyalanuvchi edim. Ular esa 1986 yillardan iborat "CHilonzor" sharafini himoya qilishardi. Turli musobaqalarda ko'p to'qnash kelar edik. Ochig'i qiziqarli va o'ziga yarasha qiyin bo'lardi, deya olaman. Ko'p hollarda ular bizdan ustun kelgan. Hozirgi murabbiylardan esa "Lokomotiv"da faoliyat olib borayotgan Denis Korostichenko esa jamoadoshim edi.
- Demak, futbolga ilk qadamlar Toshkentda boshlangan?
- Ha, men Toshkentda tug'ilganman. Futboldagi birinchi qadamlar "Sergeli"da boshlangan. Murabbiyimiz Mahmudov Odil Botirovich. Bu erda 15 yoshgacha yashaganmiz. 2001 yil oilamiz bilan Tataristonga ko'chdik. 23 yoshimda Qozonda "Rubin"ga joylashdim. U erda 8 yil faoliyat olib bordim, deya olaman. Qaysidir manoda men uchun bu katta tajriba bo'ldi. CSKAda 5 yildan beri ishlab kelyapman. Ayni paytda o'rinbosarlar jamoasini boshqarmoqdaman.
- Toshkentga so'nggi bor qachon keldingiz?
- Oxirgi tashrifim o'tgan yilning iyun oyiga to'g'ri keladi. Denis Vladimirovich Korostichenko bilan O'zbekiston-Iroq uchrashuviga tushdik. Hisob 2:2, muxlislar tomonidan toshlar uloqtirilgani yodimda. Aynan shu bahsda Denis menga Abbos haqida gapirgan, o'zbekistonlik Inesta, deb tarif bergan. Uni shu o'yinda ko'rgandim. Oradan bir yil o'tib CSKA bu iqtidorni sotib oldi.
- CSKAning Abbosga qiziqishi ancha oldin boshlanganmi?
- Abbosga qiziqish Osiyo chempionati saralashidayoq boshlangan. skautlarimiz Toshkentga tashrif buyurib kuzatishgan. Jahon chempionatida ham o'yinlarini tomosha qilishgan. SHunday ekan Abbos masalasi bugun paydo bo'lib qolgani yo'q.
- Abbosni CSKAda qanday kelajak kutyapti?
- Abbosda kerakli sifatlar bor. Maydonni ko'ra olish, texnika, chaqqonlik kabi xislatlari unga yordam berishi mumkin. Lekin aytganingizdek mushaklarni kuchaytirishi, jismoniy holatini yaxshilab olishi zarur. Rossiya chempionati darajasi O'zbekistonnikidan yuqori. Kuchga asoslangan futbol. Mana shu sifatlarni qo'sha olsa yaxshi kelajak kutmoqda.
- Eldor SHomurodovning "Rostov"dan "Jenoa"ga o'tishida yangi darajaga olib chiqqan Karpinning hissasi katta edimi yoki o'zining individual sifatlari? Abbosda ham bu jarayonni ko'ramizmi?
- Bir narsa xursand qiladi, ko'plab o'zbekistonlik yosh futbolchilar Rossiya chempionatiga kelishmoqda. Tabiiyki chempionat saviyasi baland. Raqobat ham yuqori. "Rubin"da Rahmonaliev va Ashurmatov, "Pari NN"da Jiyanov va Yo'ldoev to'p tepyapti. CSKAda Abbos bor. Yanada kuchli Evropa klublariga yo'l olishida Rossiya trampolin bo'la oladi. Abbosga ham Eldorning yo'lini berishini tilab qolaman va omad tilayman.
- Rossiya klublarining xalqaro maydonda ishtirok etmayotgani rivojlanishga to'sqinlik qilmaydimi?
- Buni to'siq demagan bo'lardim. Rossiya chempionati oldinga tashlangan qadam bo'lishi shubhasiz. Umid qilamanki, tez orada Rossiya jamoalari yana xalqaro maydonlarda ishtirok etadi. O'zbekistonlik futbolchilar ham Evropa klublari bilan o'ynashadi.
- Baxtiyor Zaynutddinov haqida nima deya olasiz? U haqida bu yil ko'p mish-mishlar uchradi...
- Baxtiyor CSKAning etakchilaridan biri. Universal futbolchi. O'zining xarakteri bilan ijobiy manoda etibor qozonadi. O'zbekona madaniyatga xos doim qo'li ko'ksida. Kattalarga salom berishni kanda qilmaydi.
- O'zbek futboli deganda tasavvuringizga keladigan 3ta shaxsni ayta olasizmi?
- Mirjalol Qosimov, Bahodir Seytkamolov, Aleksandr Lobanov. Mazur tutsangiz yana 2 nafar insonni qo'shsam. Ular Marat Kabaev va Andrey Fyodorov. Ikkisi bilan ham "Rubin"da ishlash nasib qilgan. Bahodir Seytkamlov o'z davrida munosib to'p tepgan.
Bosh sahifaga
624