Klub stadioni tamirdaligi bois, klub o'z uy uchrashuvlarini Toshkentdagi "Jar" stadionida o'tkazayotgandi. Ayni damga kelib, "OKMK sport majmuasi" tamirdan chiqarilgan, maydon maysasi shay holatga keltirilgan. Coca Cola Superligasining 16-turidan o'rin olgan "Olimpik"ka qarshi uchrashuvni OKMK o'zining uy stadioni bo'lmish "OKMK sport majmuasi"da o'tkazadi.
"Konchilar" o'z uyiga qaytmoqda!
O'z oldiga yuqori maqsadlarni qo'ygan, doimo sovrinli o'rinlar uchun kurashayotgan va OCHLning muntazam ishtirokchisiga aylanib ulgurgan Olmaliqning OKMK jamoasi barcha xalqaro talablarga javob beradigan stadionda o'ynashi davr talabi edi.
Aynan shu bois, «OKMK sport majmuasi» malum muddatga yopildi va Olmaliq kon-metallurgiya kombinati yordamida katta tamirlash ishlari olib borildi. Maydon kavlanib drenaj tizimi qaytadan o'rnatildi, yangi maysa ekildi, stadion yoritish tizimi to'liq yangilandi va nihoyat, sport majmuasi katta sport musobaqalarini o'tkazishga tayyor bo'ldi.
Futbol bo'yicha joriy yilgi O'zbekiston Coca-Cola Superligasi 16-turi doirasida OKMK Toshkentning «Olimpik» klubini aynan «OKMK sport majmuasi»da qabul qilishi aniq bo'ldi. Uchrashuv soat 20:00da boshlanadi. Bahs oldidan esa estrada yulduzi Muhammadziyo ishtirokida koncert dasturi namoyish etiladi.
Qadrdon stadionni sog'inib qolgan muxlislar uchun koncert dasturi va futbol uchrashuviga kirish chiptasi mutlaqo bepul!
Barcha futbol ishqibozlarini jamoamizning OCHL saralash bahsi oldidan bo'lib o'tadigan muhim o'yiniga taklif qilamiz va ulardan qizg'in qo'llab-quvvatlovni kutib qolamiz!", -deyiladi OKMK klubi bayonotida.
Bosh sahifaga
624