O'yin haqida
- Oson o'yin bo'lmadi. Ko'rayapsizlar, Superligada oson o'yinning o'zi qolgani yo'q. Biz "Buxoro" jamoasini tempni tushirib o'ynashini bilardik. SHu boisdan ham shunga mos harakat qildik. Tezroq raqib darvozasiga gol kiritishimiz zarur edi, bu ikkinchi bo'lim oxiriga kelib amalga oshdi. Muxlislarimiz bugun bizni juda yaxshi qo'llab-quvvatlashdi. Barchani g'alaba bilan tabriklayman.
- O'tgan o'yindagi muvaffaqiyatsizlikdan so'ng jamoada ruhiy muammo bordek ko'rindi...
- Ha, bunday xolat har bir jamoada uchrab turadi. O'ylayman-ki, bugungi o'yin mana shu bosimdan chiqib ketishimizga yordam beradi.
- Jambuli Jigauri o'rtoqlik o'yinlarida o'zini yaxshi ko'rsatayotgandi. Biroq, Superliga doirasidagi o'yinlarda sermahsullik namoyish etmayapti...
- Jigauri yangi futbolchi. U hali bizning chempionat haqida to'liq tasavvurga ega emas. Superligamiz darajasi yuqori. Jigauri uchun ozroq vaqt kerak.
- "Nasaf" autsayderlarga qarshi o'yinlarda qiynalayapti. Buning sababini qanday izoxlaysiz?
- Bunaqa natijalar avval ham bo'lgan. Futbolda kutilmagan hisoblar uchrab turadi. Raqiblar bizga himoyaviy o'yin taklif etishayapti, bo'sh xududlar kam va qiynalayapmiz. "Turon" bilan o'yinda birinchi bo'limning boshidagi vaziyatlarimizdan foydalanganimizda hisob boshqacha bo'lishi mumkin edi.
- "Nasaf" himoyada qiynalsa, keyingi o'yinda "Paxtakor" ham shunday uslubdan foydalanmaydimi?
- "Paxtakor" hujumkor jamoa. Bu klub safida tajribali nomlar bor. Biz ular ishtirokidagi o'yinlarni ko'rib chiqamiz va shunga mos uslubni tanlaymiz.
- "Nasaf" uchun qaysi logotip ostida o'ynash maqulroq?
- Biz "ajdar" bo'lib qolamiz. Har ikki logotip ostida o'ynashning farqi yo'q. Avval ham xumo qushi logotipida o'ynaganmiz, ajdar tasvirida ham. Muhimi, "Nasaf" har o'yinda g'alaba uchun maydonga chiqadi.
Bosh sahifaga
330