Bugungi oqshomda ham 2 o'yinga guvoh bo'lishimiz mumkin.
"Sevilya" — "Borussiya Dortmund"
Mazkur jamoalar bugungi kunga qadar 2 marta o'zaro to'qnash kelishgan (EL-2010 guruh bosqichi), 1 o'yinda andalusiyaliklarning qo'li baland kelgan bo'lsa, boshqasida durang qayd etilgan.
"Sevilya" ayni paytda La Liga turnir jadvalida 4-o'rinni egallab turibdi, "Borussiya" esa Bundesligada 6-pog'onani band qilib turibdi. "Transfermarkt" portali ayni paytda ispan jamoasi futbolchilarini 344 mln, dortmundliklarning to'liq tarkibini 593 mln evroga baholamoqda. Lopetegi shogirdlari orasida transfer qiymati eng yuqorisi Jyul Kunde hisoblanadi (50 mln evro). Erling Holand esa Edin Tarzichning eng qimmatbaho shogirdi (114 mln evro).
Malumot uchun, "Sevilya" barcha turnirlar doirasidagi so'ngi 9 o'yinini g'alaba bilan yakunladi, oxirgi 7 o'yinda esa o'z darvozasi dahlsizligini saqlab qoldi. "Arilar"ning oxirgi natijalariga havas qilib bo'lmaydi. Dortmund klubi so'nggi 7 o'yinda bor-yo'g'i 8 ochko to'plashni epladi.
 Sevilla | Champions League Final Stage . 1/8-tur 18/02/2021, 01:00 - : - Boshlanmadi |  Borussia Dortmund |
Stadion: Estadio R. Sanchez Pizjuan
Bosh hakam: Danny Makkelie
"Portu" ayni paytda Portugaliya chempionatida 2-o'rinni egallab turgan bo'lsa, "Yuventus" A Seriya turnir jadvalida 4-pog'onani band qilgan. "Transfermarkt" portali ayni paytda portugal jamoasi futbolchilarini 262 mln, turinliklarning to'liq tarkibini 690 mln evroga baholamoqda. Serjiu Konseysau shogirdlari orasida transfer bahosi eng yuqorisi Xesus Korona hisoblanadi (30 mln evro), Mattey De Ligt esa Andre Pirloning eng qiimatbaho shogirdi (75 mln evro).
So'nggi paytlarda har 2 jamoaning ishlari yurishmayapti. "Yuventus" ushbu o'yinga Neapoldagi mag'lubiyatdan keyin etib kelyapti. "Portu" esa so'nggi 3 o'yindan buyon g'alaba nimaligini bilmay kelmoqda.
 FC Porto | Champions League Final Stage . 1/8-tur 18/02/2021, 01:00 - : - Boshlanmadi |  Juventus |
Stadion: Estadio do Dragao
Bosh hakam: Carlos del Cerro
Bugungi o'yinlar yorqin afishasi bilan ajralib turmagan bo'lishi mumkin, ammo maydonda shiddatli kurash bo'lishiga shubha yo'q. Ushbu bahslardan qanday natija kutyapsiz?
Bosh sahifaga
294
19 Fevral 2021, 05:53