Biroq mavsum yakunida hattoki bir ochkoning qadri qanchalar yuqori bo'lishini o'tgan mavsumda ko'rdik.
"Navbahor" 1996 yildan beri intiq bo'lib kutayotgan oltin medallari uchun so'nggi ikki mavsumda haqiqatdan jiddiy harakatni boshladi. O'tgan yili bir ochko etmagan, amalda esa "uloq"ni yana "Paxtakor" ilib ketgandi. Bu safar hali chempionlikka ancha ertadir. Lekin Samvel Babayan uchun har bir qo'ldan boy berilayotgan ochkolar borgan sari istefoga etaklab borishi turgan gap. Xo'sh, endilikda keyingi turlarda jamoa kimlar bilan raqib bo'ladi?
O'zbekiston kubogi. Nukusda "Aral" bilan o'yin
Yana 3 kundan so'ng "lochinlar" O'zbekiston kubogi doirasida Nukusda "Aral" mehmoni bo'ladi. Uchrashuv suniy maydonda bo'lishini boz ustiga 17:30da boshlanishi "Navbahor"ga bir qator noqulayliklarni tug'dirishi malum. Samvel Babayan bu o'yinga asosiy tarkibni olib borishini malum qilgan. Tabiiyki, futbochilar uchun bu kunda jarohatdan himoyalanish, o'zini ehtiyot qilish bosh planga chiqadi. "Paxtakor" qanday qiynalgani barchaga malum. "Navbahor" esa kubokda g'olib chiqishni maqsad qilgan va bu yo'lda hech narsa to'siq bo'lmasligi kerak. Foydali jihati esa OCHL oldidan futbolchilar o'yin amaliyoti, "igrovoy tonus"da bo'ladi.
OCHL, "Al Vakra". Tarix yoki hayot-mamot janggi
Oradan 1 hafta o'tib Namangan klubi OCHL pley-off o'yinida ishtirok etish uchun Qatarga parvozni amalga oshiradi. Bitta o'yindan iborat OCHL guruh bosqichiga yo'llanma beruvchi oqshomda "Navbahor"ni faqatgina g'alaba qoniqtiradi. Raqibning darajasini hisobga olganda ham bu bahs ular uchun oson bo'lmasligi kundek ravshan. Agar bu bahsda jamoa mag'lubiyatga uchrasa, Samvel Babayan uchun chiqish eshiklarini ko'rsatilishi ehtimoli oshadi. Raqib safida Trent Seynsberi, Lukas Mendes, Jelson Dala kabi legionerlar borligini, boz ustiga o'yin mehmonda o'tishi kabi faktorlari ham bor.
Superliga. Bu birinchi davradagi "So'g'diyona" emas
Qatardan kelgach oradan 3 kun o'tib 26 avgust kuni Jizzaxga "So'g'diyona" maydoniga safar uyushtiradi. "So'g'diyona" birinchi davradagi kabi "go'sh" vazifasini o'tamaydi va etarlicha qarshilik ko'rsatadi. Ivan Boshkovich jamoada o'yin sifatini yaxshilaganini, yozgi transferlar oynasida o'ziga kerakli haridlarni amalga oshirganini ham inobatga olish kerak. Boz ustiga o'tgan mavsumda chernogoriyalik mutaxassis "Bunyodkor" bilan bu jamoani yutgani yodingizda bo'lsa kerak. "Navbahor"ning o'sha pallada jismoniy holati qanday bo'lishi qiziq. Bunday holatda futbolchilarning chidamliligi, murabbiyning tarkibda Rotaciyalar amalga oshirishi muhim ahamiyat kasb etadi.
Superliga. Qosimov boshchiligidagi OKMK "Paxtakor"ning ishini takrorlay oladimi?
"Navbahor"ni FIFA kunlaridan yo'l olishdan avval 30 avgust kuni Namanganda OKMKga qarshi uchrashuv kutmoqda. "Navbahor" ikkinchi davrada barcha kuchli raqiblarni Namanganda qabul qiladi. Dastlabki urinish muvaffaqiyatsiz chiqdi. Aynan avgust oyi klubning kelajagiga va Samvel Babayanning faoliyatiga aniqlik kiritib berishi kerak. Namangan hokimi, rahbariyati barcha sharoitlarni yaratib beryapti va tabiiyki shunga yarasha natija kutishga haqli.
Bosh sahifaga
366