Sergey Arslanov: "Biz uchun har bir ochko havodek muhim. Bugungi bahsda futbol estetikasi haqida gapirish qiyin. Yigitlarga rahmat aytaman. Ushbu g'alabani vafot etgan muxlisimiz Ilyos Anvarovga bag'ishlaymiz".
- Doston Tursunov SHotlandiya klubida ko'rikda edi. Bugun esa u maydonga tushdi...
- Dostonning texnikasi kuchli, futbol intellekti baland. Agentlar buni payqashdi. Ayni damda o'zbek futbolchilariga bo'lgan talab ancha oshgan. Bu milliy futbolimiz, Superligamiz o'sayotganidan dalolat beradi. Ha, Tursunov borib keldi, u murabbiyga yoqdi. Kelasi yil uni Evropada ko'ramiz deb umid qilamiz.
- Tanaffusdan so'ng "Turon" "portlovchi" o'yin namoyish etib, himoyaga katta bosim o'tkazdi. "Surxon" bunga tayyormidi?
- Ha, tayyor edik, chunki "Turon" hisobda ortda qolayotgani uchun katta kuch bilan hujumga o'tishini bilardik. Raqibga ko'p zonani topshirganimiz yagona muammo bo'ldi, biroq to'p uchun havodagi kurashlarda yigitlar yaxshi harakat qilishdi.
- Darvozabonimiz Artyom Potapov "quruq" o'yin bo'yicha Superligada 2-o'rinni egallab turibdi. Bu uning mahoratimi, himoya qo'rg'onining kuchimi yoki ikkilasi birgalikda?
- Futbol jamoaviy sport turi. U soatga o'xshaydi. Soatning biror qismi bo'lmasa, u ishlamaydi. futbolda ham shunday. Ha, Potapov o'zini haqiqiy professionallardek tutyapti. Borini berib ishlayapti. Lekin shu o'rinda jamoaga ham rahmat aytish kerak. Yigitlarning bari birgalikda harakat qilishmoqda.
Bosh sahifaga
261