Saytimiz o'z annasiga sodiq qolgan holda tur laureatlarini aniqladi.
"Lokomotiv" darvozaboni Javohir Ilyosov yakunlangan turda "Qo'qon-1912" bilan bahsda ajoyib o'ynadi. Qo'qonliklarning ko'plab hujumlari va zarbalaridan keyin Ilyosov jamoasini gollardan qutqarib qoldi va haqli ravishda championat.asia talqiniga ko'ra 24-turning eng yaxshi darvozaboni deb topildi.
"Mashal" yarim himoyachisi Sardor Abduraimov "Navbahor" bilan bahsda chiroyli gol urishga muvaffaq bo'ldi. Deyarli maydon markazida to'pni egallab olgan futbolchi uch nafar raqibni ortda qoldirib jarima maydoni ichidan darvozani ishg'ol qildi. SHu tariqa Sardor Abduraimovning goli Championat.asia talqiniga ko'ra turning eng chiroyli goli deb topildi.
Bu turda "Nasaf" o'z maydonida amaldagi mamlakat chempioni "Paxtakor"ni qabul qilib 3:0 hisobida g'alaba qozonishdi. Bahs davomida Oybek Bozorov juda ham faol bo'ldi, bundan tashqari ikki marta sheriklariga golli uzatmani amalga oshirdi. SHu bois Championat.asia talqiniga ko'ra Oybek Bozorov 24-turning eng yaxshi futbolchisi deb topildi.
O'z-o'zidan "Paxtakor"ga hech qanday imkoniyat qoldirmagan va yirik g'alabaga erishib kumush medallar uchun imkoniyatini juda yaxshilab olgan "Nasaf" ustozi Ro'ziqul Berdiev Championat.asia talqiniga ko'ra 24-turning eng yaxshi murabbiyi deb topildi.
Bosh sahifaga
208