O'zbekiston MTJ Dubay yig'inini yirik mag'lubiyat bilan yakunladi

Ushbu sahifada o'yinning matnli translyaciyasini kuzatib borish mumkin. 

O'zbekiston - "SHaxtyor" (Soligorsk) - 0:3 

Gol: Szoke 12 , 0:1 , 34 Okeuxi 47, SHindagoridze, 55

CHetlatish: Yuriy Kendish, 34

O'zbekiston: 1.Botirali Ergashev, 3.Hojiakbar Alijonov, 4.Farruh Sayfiev, 5.Igor Golban, 7.Odil Hamrobekov, 8.Nurillo To'xtasinov, 13.Sanjar Qodirqulov, 6.Husniddin G'ofurov, 17.Hojimat Erkinov, 21.Mirjahon Mirahmadov, 23.Husniddin Aliqulov.
Zaxira: Abduvohid Nematov, Islom Qobilov, Islom To'xtaxo'jaev, IbrohimHalil Yo'ldoshev, Akmal Mozgovoy, Murod Xolmuhammedov, Azizbek Turg'unboev, Oybek Bozorov.

"SHaxtyor": 30.Gutor, 99.SHevchenko, 21.Filipenko, 20.Sachivko, 5.Antich, 27.Szoke, 77. Yuriy Kendish, 11.Diasamidze, 33.Okeuxi, 22.Stasevich, 88.Darbo.
Zaxira: CHernik, Belov, Malashickiy, Politevich, Xadarkevich, Begunov, Makarenko, Sotnikov, Korzun, Kunskiy, Ivanovich, Axmedi, Podstrelov, SHahzod Ubaydullaev, SHIndagoridze, Debelko.

YANGILASH

Uchrashuv yakunlandi. Terma jamoamiz "SHaxtyor"ga (Soligorsk) yirik hisobda mag'lub bo'ldi. Navbatdagi o'yinlarga qadar omon bo'ling! O'zingizni sog'lig'ingizni asrang!

So'nggi daqiqalar yaqinlashib borgani sari hujumkorlikni oshirmoqdamiz. Otni vaqtliroq qamchilash kerak edi. 

Vakillarimiz hujumni kuchaytirmoqda! Gol ko'ramizmi?

Faqat to'p nazoratini ushlash bilan samara bo'layotgani yo'q. 

Himoyamiz juda tartibsiz. "SHaxtyor" to'rtinchi golni urishi mumkin edi. 

Yigitlar qolgan daqiqalarda sizni qo'llab-quvvatlayotgan O'zbekiston xalqi uchun o'ynang! Muxlislar uchun to'p teping!

Mayli o'rtoqlik uchrashuvi bo'lsa ham vatan shani uchun jon kuydirib kurashish kerak. Bunday o'yin bilan biz yuqori marralarni ko'zlay olmaymiz. 

Terma jamoamiz futbolchilarida shasht va ishtiyoq tushib ketgani yaqqol sezilib turibdi. 

"SHaxtyor" tarkibida o'zbekistonlik hujumchi SHahzod Ubaydullaev maydonga tushdi. 

58. O'ZGARISH. Odil Hamrobekov va Sanjar Qodirqulov zaxiraga olindi. Aziz Turg'unboev va Akmal Mozgovoy maydonga tushdi. 

OGOXLANTIRISH. Ibrohimhalil Yo'ldoshevga sariq kartochka ko'rsatildi. 

55. GOL. "SHaxtyor" uchinchi golni urdi. Nimalar bo'lyapti, hech kim tushunayotgani yo'q. Uyg'oninglar yigitlar! Gol muallifi zaxiradan o'yinga qo'shilgan SHindagoridze

Vadim Abramov ikkinchi goldan so'ng Botirali Ergashevni almashtirdi. O'yinni Abduvohid Nematov davom ettiradi. 

47. GOL. Afsuski, "SHaxtyor" uchrashuvda ikkinchi golni urmoqda. Botirali Ergashev to'pni oshirishda xatoga yo'l qo'ydi. Darvozabonimizning xatosidan so'ng raqib to'pni egallab oldi va markazga oshirdi. To'pni qabul qilib olgan Okeuxi osonlikcha gol urdi. 

O'zaro kelishuvga ko'ra, qizqil kartochka olgan futbolchining o'rniga boshqa futbolchi maydonga tushdi. 

Ikkinchi bo'limga start berildi. 

Birinchi bo'lim yakunlandi. Tanaffus!

SEEEEEYV. BOTIRALI ERGASHEEEEV. Darvozabonimiz muqarrar goldan qutqarib qoldi. "SHaxtyor" ikkinchi golni urishga juda juda yaqin keldi. 

Terma jamoamiz qolgan daqiqalarda bir kishi ko'p bo'lib harakat qilishadi. 

34. QIZIL KARTOCHKA. Iordaniya bilan o'yin secenariysi takrorlanmoqda. Bu safar "SHaxtyor" futbolchisi Yuriy Kendish maydondan chetlatildi. Qiziq holat. 

Vakillarimizga biroz agressivlik etishmayapti. Xuddiki, yarim kuch bilan o'ynashayotgandek taassurot qoldirishmoqda. 

Himoyamizda palapartishlik ko'p bo'lmoqda. Soligorskliklar yana bir qulay imkoniyatdan foydalana olishmadi. 

ZARBAAAA. UXXXX. Terma jamoamiz futbolchisining boshi bilan yo'llagan zarbasini raqib posboni qiyinchilik bilan qaytardi.

O'yin davom etadi. Futbolchilarimiz kuchli pressing uyushtirmoqda.

12. GOL. "SHaxtyor"ning 27-raqamdagi futbolchisi Szoke uchrashuvda hisobni ochmoqda. Jarimadan uzatilgan to'pdan so'ng terma jamoamiz himoyasida tartibsizlik yuzaga keldi, bundan raqib futbolchisi foydalanib to'p kiritdi, 0:1. 

"SHaxtyor"ning hujumini himoyachilarimiz bartaraf etdi. 

1. O'YIN BOSHLANDI!

- Uchrashuv O'zbekiston vaqti bilan soat 17:00da boshlanadi.