Saudiya Arabistoniga qarshi g'alabali o'yindan so'ng O'zbekiston U-15 terma jamoasi bosh murabbiyi Islom Ismoilovning fikrlari bilan qiziqdik.
- O'yin haqida
- Ikki kun oldin BAA ga qarshi o'yin o'tkazgandik. O'yinlar orasidagi vaqt qisqaligi sabab, biz asosiy urg'uni tiklanish jarayoniga berdik. Saudiya Arabistoni Osiyoning top jamoalari safiga kiradi. SHundan kelib chiqib, biz yigitlarga tartibli himoyani mustahkam ushlashni tushuntirdik. Futbolchilarga rahmat aytaman. Ular biz tomonimizdan berilgan ko'rsatmalarni alo darajada bajarishdi. O'yin ikkala jamoa uchun ham foydali bo'ldi.
- Raqib haqida fikringiz. O'yin juda qiyin o'tdi...
- Ha, o'yin og'ir o'tdi. Saudiya Arabistoni azaldan texnikaga asoslangan futbol o'ynaydi. Hozir guvohi bo'ldikki, Saudiya Arabistoni jismoniy jihatdan ham ancha o'sishga erishibdi. Oldingi futbolchilar biroz nimjonroq, lekin texnikasi yuqori bo'lardi. Hozir esa jismoniy jihatdan ular ancha kuchaygani bilinib turibdi. SHuni hisobiga ko'p yakka kurashlarda raqibga yutqazib qo'ydik. Biroq, pozicion himoyalanish va hujum qilishda futbolchilar aytilgan ko'rsatmalarni bajarganliklari uchun g'alaba qozonishni uddaladik.
Bosh sahifaga
285