"Championat.asia" o'tkazilgan bahslar asosida tur laureatlarini aniqladi.
OKMK posboni Botirali Ergashev "Championat.asia" sayti talqiniga ko'ra 16-turning eng yaxshi darvozaboni deb topildi.
Olmaliqliklar darvozaboni ortda qolgan turda qator seyvlarni amalga oshirib, "Olimpik" klubi mag'lub etilishida muhim rol o'ynadi. Raqib to'pga egalik qilish, zarbalar va standart vaziyatlar bo'yicha ustunlikka ega bo'lishiga qaramay, mahoratli futbolchi ishonchli o'yin ko'rsatib, uchrashuvni yuqori notada o'tkazdi va tur darvozaboni deb tan olindi.
"Paxtakor"ning hujumkor yarim himoyachisi Dragan CHeran "Championat.asia" talqinida 16-turning eng yaxshi futbolchisi deya elon qilindi.
Maydonda o'zining aniq harakatlari bilan ajralib turgan Dragan CHeran "Navbahor" bilan o'yinda nafaqat gol urdi, balki ko'plab vaziyatlarda mahoratini namoyish qila oldi. So'zimiz isboti sifatida, CHeranni hattoki namanganliklar ustozi Samvel Babayan ham o'yindan keyingi matubot anjumanida o'yin taqdirini hal qilgan futbolchi sifatida tilga olganini, keltirish mumkin.
"Andijon" futbolchisi Armin Boshnyakning "Bunyodkor" darvozasiga kiritgan to'pi "Championat.asia" talqiniga ko'ra 16-turning eng chiroyli goli (VIDEO)
"Paxtakor" bosh murabbiyi Maksim SHackix "Championat.asia" talqiniga ko'ra 16-turning eng yaxshi murabbiyi sifatida etirof etildi.
Toshkentliklar ushbu turda Namanganda "Navbahor"ni mag'lub etishdi (2:1). Nafaqat turning balki davra, chempionatning muhim o'yinlaridan biri bo'lgan bahsda nafaqat omad, balki mehmonlar ustozining bahsga to'g'ri taktika tanlagani g'alaba omili bo'ldi.
Umuman olganda, chempionlik uchun kurashdagi raqobat ortganiga qaramay, "Paxtakor" kerakli pallalarda o'z ochkolarini jamg'arib bormoqda va "Navbahor"ni quvib o'tib, yana etakchi bo'lib oldi.
Bosh sahifaga
312