- Eng muhimi keyingi bosqichga yo'l oldik. Asosiy maqsadimizga yana bir qadam tashladik. Kecha aytib o'tganimdek, raqibimiz juda yaxshi shakllangan jamoa. Nima bo'lganida ham g'alaba qozondik, lekin o'yin davomida ham bir nechta xatolarga yo'l qo'ydik. Masalan, qizil kartochka bizning barcha rejalarimizni buzib yuborishiga bir qadam qoldi.
Xurshid G'iyosov: - Kuchli raqibga qarshi o'yin o'tkazdik. O'yin oson kechmadi, lekin biz g'alabaga loyiq edik deb o'ylayman. Eng muhimi bugun g'alaba qozondik va keyingi bosqichga yo'l oldik.
- Raqib o'yinini o'rganib chiqdim degan edingiz. Bugun raqib sizga qanday "syurpriz" taqdim etdi?
- Raqib "syurpriz" taqdim etmadi. Hozirgi kunda hamma futbolni tushunadi. Raqib jamoasining ikki nafar futbolchisi bugungi uchrashuvda ishtirok eta olmadi va ularning o'rniga boshqa futbolchilar maydonda bo'lishdi.
- Martin Boakening ikkinchi sariq kartochkasiga fikr bildirib o'tsangiz
- Ikkinchi sariq kartochkasi mayli, lekin men uning birinchi sariq kartochkasini nega olganini tushunmadim. O'sha vaziyatda, u aqlliroq harakat qilsa bo'lar edi. Futbolda "sababli" sariq kartochka bor, Martin birinchi sariq kartochkani keraksiz joydan ortirrib oldi.
- Bugun bir nechta futbolchilarning o'yini chiqmagandek, xususan Martin Boake chetlatilgunga qadar ko'p vaziyatlardan foydalana olmadi.
- Hujumchi gol urmasa, u yomon o'ynadi degani emas. To'g'ri, u bugun bir nechta xavfli vaziyatlardan unumli foydalana olmadi, lekin u jamoaviy o'yinga katta hissa qo'shdi. Futbolda g'alaba va mag'lubiyat yonma-yon yuradi, agar Martin o'sha vaziyatda gol urganida, hozir u qahramonga aylangan bo'lar edi. Zaxiradan maydonga tushgan qolgan futbolchilar esa, sekin-astalik bilan jamoaviy o'yinga kirishib ketishmoqda. Islom To'xtaxo'jaevda jarohat bor edi va shu sababdan u hozirgi kunda kamroq o'yin amaliyotiga ega bo'lmoqda.
Bosh sahifaga
576