Biroq o'sha kuni "Navbahor" klubi Kubok doirasida "Aral" mehmoni bo'lgani uchun bu materialni chop etmaslikka qaror qilgandim. Ushbu malumotlarni umumlashtirgan holda vaziyatni tushuntiramiz.
Bugungi kunda "Navbahor-Farm" va U-21 jamoasi azolari Namangan shahridagi bazada yashaydi. Afsuski bugungi kunda bazadagi sharoitlar ancha og'ir, eb-ichish borasida ham muammolar talaygina ekan. Balki mubolag'adir ammo bazida yosh futbolchilar mashg'ulotlarga non va suv ichib chiqqan paytlar ham bo'lgan. Buning ustiga aprel oyidan buyon futbolchilar umuman maosh olishmagan. Superligadagi asosiy jamoa oldiga chempion bo'lish vazifasi qo'yilgani uchun barcha etibor faqat asosiy jamoaga berilayotgandek nazarimizda.
Bilamizki Farm klub hamda U-21 jamoasi asosiy jamoaga futbolchi etkazib berishi lozim. Ular oldida boshqa hech qanday vazifa yo'q. Birinchi davrada U-21 jamoasidan faqatgina Asadbek Jo'raboev "Navbahor" asosiy jamoasi tarkibida maydonga tushirilgan xolos. Jo'raboev Superligada bitta (13 daqiqa) va Kubok doirasida bitta (27 daqiqa) o'yinda zaxiradan maydonga tushirilgandi. Yozgi transfer oynasi vaqtida Asadbek "Olimpik" klubiga ko'chib o'tdi va 3ta o'yinda 2ta gol urishga ham ulugrdi. To'g'ri bosh murabbiy maydonga istalgan futbolchini tushiradi va bunga hech kimning aralashishga haqqi yo'q. Biz shunchaki faktlarni keltirdik xolos.
Eslatib o'tamiz, "Navbahor-Farm" Pro liga musobaqa jadvalida 11ta klub orasida 11ta o'yindan keyin 9 ochko bilan 9-o'rinda bormoqda. Oxirgi 11-o'rindagi jamoa hisobida ham 9 ochko mavjud. "Navbahor U-21" jamoasi esa U-21 chempionatida 16ta o'yindan 9 ochko bilan so'nggi 16-pog'onada bormoqda.
"Navbahor" muxlislariga murojaat: Ushbu maqola chiqqanidan keyin sayt va muallifni haqorat qilishingiz mumkin. Lekin o'zingiz yaxshi ko'rgan, muxlislik qilib kelayotgan jamoada o'ynashi kutilayotgan yosh ukalaringizning ahvoli bu bilan yaxshilanib qolmaydi.
Ushbu xabar faqatgina bitta maqsadda saytga chop etilmoqda: "Navbahor" klubi rahbariyat tomonidan "Farm" va U-21 jamoasiga etibor qaratilishi uchun. Bu xabarga raddiya yozish shart emas, shunchaki namanganlik yosh futbolchilarga sharoit qilib beringlar iltimos.
Agar sizda ham qandaydir muammo bo'lsa Championat.asia saytining telegramdagi botiga yozing. Anonimlik 100 foiz saqlanib qoladi.
Bosh sahifaga
582