- O'yin haqida
- Bugun haqiqiy triller guvohi bo'ldik. 120 daqiqa ichida juda ko'p vaziyatlar bo'ldi. Vaziyat biz uchun goh ijobiy, goh salbiy tomonga o'zgarib turdi. Ikki jamoa ham keyingi bosqichga chiqishga bel bog'lagandi. Biz muxlislarga gollardan tashqari ajoyib emociyalar ham taqdim etdik. Ikki jamoa ham juda yaxshi o'yin ko'rsatdi. Muxlislarimizga rahmat aytaman. Ular bizga oxirigacha muxlislik qilishdi. Klubimizga befarq bo'lmagan barchani g'alaba bilan tabriklayman.
- Bugungi rotaciyalar faqatgina kubok uchrashuvi bo'lgani uchun qilindimi yoki jamoaning holati sababmi?
- Ha, to'g'ri aytdingiz. Bugun katta masshtabdagi rotaciya amalga oshirdik. Kubok bo'lgani uchun bu qarorga kelmadik. Bizga xattoki o'rtoqlik uchrashuvi ham muhim. Kubok va chempionat o'yinlari orasidagi vaqt uncha katta emas. Futbolchilar esa har bir o'yinda katta energiya yo'qotishadi. SHu sababdan ham biz bugun katta rotaciyani amalga oshirishga qaror qildik. Yigitlar ishonchni oqlashdi. Eng muhimi esa rasmiy uchrashuvda o'yin amaliyotiga ega bo'lish.
- Jahongir Abdusalomovning asosiy tarkibdagi o'rni borasida so'ramoqchiman. Unga kam o'yin amaliyoti beriladi. Biroq, o'ziga berilgan imkoniyatlardan foydalanmoqda. Masalan, bugun ham ikkita gol urdi.
- Jahongir bugun yaxshi o'yin ko'rsatdi. To'pni ushlash, raqib darvozasi yonida juda ko'p xavfli vaziyalar yaratish – bu hujumchidan talab qilinadigan jihatlar. Abdusalomov aynan shu ishlarni amalga oshira oldi. Nimelini maydonga tushirib, biroz tavakkal qildik. Hujumdagi holatni yanada yaxshilashga urindik. Jahongirga kelsak, biz uning imkoniyatlarini juda yaxshi bilamiz. U texnik jihatdan kuchli, o'yinni o'ziga olishni biladi. Eng muhimi, u qachon maydonga tushmasin, o'yinni kuchaytiradi. Jamoada raqobat qiladigan o'yinchilar bo'lsa, bu hamma uchun yaxshi. CHunki sizda har doim tanlov bo'ladi.
Bosh sahifaga
504