- "Xorazm" jamoasini g'alaba bilan tabriklayman. O'yinga keladigan bo'lsak, yana himoyada juda ko'p xatolar qildik. Ikkita golni standartdan keyin o'tkazib yuboryapmiz. Himoyachilarimizning pala-partishligi sababli shunday gollar urib ketishdi. Murabbiylar shtabi bilan o'yinni ko'rib chiqib, xatolar ustida ishlaymiz. Har o'yinda himoya chizig'i bizga pand beryapti. Ko'rinib turibdi, "Xorazm" jamoasi ham bu o'yinga qattiq tayyorgarlik ko'rgan. Biz ham bahsga yaxshi tayyorlangandik, ammo himoyada oqsayapmiz.
- Jamoangiz birinchi davrani yaxshi o'tkazdi, biroq ikkinchi davrada natijalar pasayib ketdi.
- Hozir tarkibda yangi 7 futbolchi bor. Ular bizning falsafamizni endi-endi tushunishmoqda. Asosiy futbolchilarimizga katta jamoalardan takliflar bo'ldi, ularni ushlab tura olmadik va jamoadan ketishdi. Yosh o'yinchilarga tajriba beryapmiz. Katta futbolchilarni jamoaga taklif qilmadik. Aynan yosh futbolchilar orqali tarkibni shakllantiryapmiz. Yana bir-ikki o'yindan keyin ular ham biz istayotgan futbolni tushunib olishadi.
- "Andijon-SGS" loyihasi yaxshi boshlangandi. Xorij safarlarini ko'rdik, yaxshi jamoalar bilan o'yinlar tashkil qilindi. Biroq ikkinchi davradagi pasayish nima bilan bog'liq. Gap moliyaviy tomondami?
- Moliyaviy tomondan hech qachon muammoimiz bo'lmagan va bundan keyin ham bo'lmaydi degan umiddaman. Rahbarimiz, klub prezidenti bunga juda jiddiy qaraydi. U kishiga rahmat aytaman. Aytganimdek, yosh futbolchilar olib keldik. Hali Pro-ligada o'zimiz istayotgan o'yinni ko'rsatamiz.
- "Xorazm" jamoasi aynan qaysi ustunlik evaziga g'alabaga erishdi deb o'ylaysiz?
- Tezlik evaziga bugun mag'lub bo'ldik.
Bosh sahifaga
609