"Bunyodkor" jamoasini g'alaba bilan tabriklaymiz. Umuman olganda qiziqarli o'yin bo'ldi. Oxirgi daqiqagacha kurash kechdi. 90+5 daqiqada darvozamizdan gol o'tkazib yubordik. Omad ko'proq "Bunyodkor"ga kulib boqdi",- deydi Yorqin Nazarov.
- "Bunyodkor"ning birinchi golida o'yindan tashqari holat bor edi. O'sha vaziyatni takroran ko'rdingizmi?
- Hozir yigitlar ko'rib chiqishdi. Videoda ofsayd bor ekanligi ko'rindi. Nima ham qilamiz, gol bo'ldi. O'yin tugadi, hisob o'zgarmaydi. Uch ochko raqibga o'tib ketdi. Bu borada hech narsa, deya olmayman. Bu bilan bizga hech qanday foydasi yo'q. Navbatdagi o'yinlarga tayyorlanamiz. Oson o'yinlarni o'zi yo'q. Ochko olish oson bo'lmayapti.
- Ketma-ket 3ta uchrashuvda bir xil tarkibdan foydalangan edingiz. Bugun esa ayrim o'zgarishlarga qo'l urdingiz?
- "Surxon" bilan uchrashuvni tahlil qilib chiqdik. Bir nechta futbolchilarga hordiq berib, boshqa futbolchilardan foydalandik. Kimdir ishonchni oqladi. Ularni ko'rib oldik. SHunga qarab tarkibni tanlaymiz. Ularning ko'pi yosh futbolchilar. Barqarorlik etishmaydi. Bugun qo'ygan tarkibimizdagi yigitlar oxirigacha kurashdi.
- Humoyun Murtozaevni o'yini o'xshamadi. SHunga qaramay almashtirmadingiz...
- Uni almashtirmoqchi ham bo'ldik. Ikkinchi bo'limda Fayzullo Jumanqo'ziev jarohat oldi. Katta hajmdagi ishni qilmagan bo'lsa ham ko'rdingiz oxirigacha xavfli vaziyatlarda ishtirok etdi.
Bosh sahifaga
269