Kecha ham aytgandim, ikki jamoa ham guruh bosqichiga chiqish uchun barcha imkoniyatlaridan foydalanishga harakat qildi. SHuning uchun ham bugungi uchrashuv ancha chiroyli va shiddatli o'tdi. Bugungi uchrashuv oson bo'lmadi. Bugungi uchrashuvdagi o'yinimiz va natijamiz muxlislarga yoqdi deb o'ylayman. Fursatdan foydalanib, “Navbahor” jamoasini guruh bosqichiga chiqqani bilan tabriklayman.
“Al Arabi” yaxshi jamoa. Bugun shogirdlarim yaxshi harakat qildi, ular maydonda juda zich o'ynashdi va raqiblariga bugun hech qanday imkon bermadi deb o'ylayman. Qatar chempionati hali boshlanmagani bugungi uchrashuvda bilinib qoldi deb ham o'ylayman. Qaysidir manoda, shu narsa ham bizga foydali bo'ldi. Umuman olganda, “Al Arabi”ga Qatar chempionatida omad tilab qolaman.
Stadion ajoyib, biz futbol o'ynaganimizda bunday sharoitlar yo'q edi. Biz 50 gradus issiqda o'ynagan bo'lsak, hozir Qatardagi stadionlarda kondicionerlar ishlamoqda. Barchasi ajoyib, ortiqcha tarif berish shart emas.
Bosh sahifaga
1563