“Lochinlar” yangi mavsumda o'z imidjlarini o'zgartirishga qaror qilishdi. Klub rahbariyati Germaniyaning sport kiyimlari va anjomlari ishlab chiqaruvchi jahonga mashhur JAKO kompaniyasi bilan kelishuvga erishdi hamda "Lochinlar" yangi mavsumda mazkur kompaniya brendi ostidagi liboslarda maydonga tushadi.
“Navbahor” PFK hamda JAKO kompaniyasi o'rtasidagi kelishuvda “Navbahor” PFK vice-prezidenti Otabek Samatov hamda JAKO kompaniyasining Markaziy Osiyo davlatlari bo'yicha rasmiy vakili Rasulbek Bekdurdiev ishtirok etdilar.
Bugun “Navbahor” jamoasi JAKO kompaniyasi tomonidan yangi mavsum uchun sport kiyimlari va sport anjomlarini qabul qilib oldi.
Yangi mavsum liboslari mahsulotlarni o'z vaqtida hamda sifatli tarzda etkazib berishgani uchun jamoa nomidan JAKO kompaniyasi vakillariga o'z minnatdorchiligimizni bildiramiz. Umid qilamizki, JAKO kompaniyaci bilan hamkorligimiz uzoq vaqt hamda samarali tarzda davom etadi", - deb yozadi “Navbahor” PFK matbuot xizmati.
Bosh sahifaga
327