Samvel Babayan shogirdlari shu kuni Qatarda OCHL pley-off uchrashuvida "Al Vakra"ni dog'da qoldirishni uddasidan chiqishdi. Doniyor Abdumannopovning yagona goli "lochinlar"ga g'alaba keltirgan bo'lsa, O'tkir Yusupov shu kuni bir necha marotaba jamoasini muqarrar gollardan qutqarib qoldi. Bugun musobaqaning guruh bosqichiga qura tashlanadi. Biz esa bu borada O'tkir Yusupovning fikrlari bilan qiziqdik.
- G'alaba bilan tabriklaymiz. Bu butun O'zbekistonni g'alabasi. O'yin qanday taassurot qoldirdi? O'yindagi burilish nuqtasi nima bo'ldi?
- Avvalo bizni qo'llab-quvvatlagan yaqinlarimiz, do'stlarimiz,muxlislarimizga rahmat aytishni istardim. Ular Qatarda ham, ekran ortida ham bizga jon kuydirishdi. Niyatimiz guruh bosqichiga chiqish edi. Namanganga OCHLni olib kelish uchun Qatarga bordik. Xudoga shukur yuzimiz yorug' bo'ldi.
- Jamoaning o'yinga rejasi ekstra-taymlargacha borish edimi?
- Mezbon jihatdan ham ular o'yinni yaxshi boshlashdi, ketma-ket hujumlar tashkil qilishdi. Lekin biz jismonan taraflama kuchli edik. Ularda mavsum endi boshlandi. Qizil kartochkadan keyin esa o'yin nazorati "Navbahor" tomoniga o'tdi, hujumlar ko'paydi. Yakunda o'zimiz istagan natijaga erishdik.
- Qatardagi sharoit va jamoalarning darajasida farq katta. Bitta o'yinga qaratilgan etibor va tayyorgarlik asosiy planga chiqdimi?
- To'g'ri, Qatarda pul ko'p, stadionlaridagi sharoitlarni aytmasa ham bo'ladi. Bunday sharoitlarda to'p tepishni ko'p jamoalar istashi tabiiy. Har bir futbolchi u erda to'p tepishni orzu qilsa kerak.
- Bugun qura tashlash marosimi bo'lib o'tadi. Guruh bosqichida Namanganga qaysi yulduz futbolchi kelishini istardingiz?
- Qanday raqiblar ro'baro' kelishini qurada tashlangach ko'ramiz. Saudiya Arabistonidan Karim Benzema to'p tepayotgan "Al Ittihod" tushishini istardim. CHunki bu orqali jamoadoshlarimda umra amalini bajarib kelish imkoniyati yuzaga keladi, deb o'ylayman. Yaxshi niyat qilib qolaman.
Abdulaziz Iskandarov suhbatlashdi
Bosh sahifaga
133