Qiziqarli kechgan o'yinda "Nasaf" amaldagi Superkubok g'olibi "Paxtakor"ni taslim qildi. Quyida esa bir qator qiziqarli fakt va malumotlarni etiboringizga havola qilamiz.
1. Superkubok bahslarida shu paytga qadar 6 jamoa ishtirok etgan: "Paxtakor" (5), "Lokomotiv" (3), "Nasaf" (4), "Navbahor, "Bunyodkor" va AGMK.
2. O'zbekiston Superkubogini eng ko'p qo'lga kiritgan jamoa "Lokomotiv" (2 marta), "Nasaf" bugungi g'alaba orqali muzeyiga 2 Superkubokni olib keldi. Qarshiliklarning ilk muvaffaqiyati ham aynan "Paxtakor" bilan o'yinda bo'lgan (2016). "Paxtakor" Superkubokda eng ko'p engilgan jamoa bo'lib turibdi (4 marta, 1999, 2015, 2016, 2023).
3. Jizzax O'zbekiston Superkubokni qabul qilgan O'zbekistondagi 5 viloyat bo'ldi. Bunga qadar Farg'ona 1 marotaba, Toshkent 4 marotaba, Samarqand va Yaypan 1 marotaban mezbonlik qilshgan.
4. Ro'ziqul Berdiev "Nasaf" tarixida jamoa bilan 4ta Superkubokda ishtirok etgan yagona murabbiy bo'ldi.
5. "Nasaf" uchun Jizzax omadli stadion bo'lib qolmoqda. Ro'ziqul Berdiev jamoasi 2015 yil xuddi shu arenada O'zbekiston kubogi finalida "Bunyodkor"ni 2:1 hisobida mag'lubiyatga uchratgan edi. Oradan 8 yil o'tdi va endi bu natija "Paxtakor" bilan Superkubokda takrorlandi.
6. Pshemislav Banashak, Oybek Bozorov, Marko Stanoevich O'zbekiston Superkubogida gol urgan 14,15,16-futbolchiga aylanishdi.
7. SHuhrat Muhammadiev "Nasaf" bilan ikkinchi marotaba Superkubokda g'olib chiqdi. 2016 yilgi g'olib chiqqan tarkibdan hozir faqat Muhammadiev jamoada, xolos.
8. Aziz Asimov O'zbekiston Superkubogida ishlagan mamlakat tarixidagi 6 hakam bo'ldi. Bungacha G'ayrat Karimov (1999), Ravshan Ermatov (2014, 2015, 2016) SHerzod Qosimov (2019), Vadim Agishev (2021), Akobirxo'ja SHukurullaev (2022) faoliyat olib borgan.
Bosh sahifaga
134
