"G'alaba qozonganimizdan xursandmiz. Uchrashuv qiyin ruhda o'tdi. "Paxtakor"ga qarshi o'yinlarimiz hamisha qiyin bo'lgan. Kubokni qo'lga kiritishni istagandik. Endilikda shu ruhda Superliga chempionligi uchun kurashamiz.
Darvozamizdan gol o'tkazib yuborishda menda xatolik yuzaga keldi. Lekin ruhan tushkunlikka tushmadim. Bo'lar ish bo'lgandi. Jamoaga nafim tegish uchun ko'proq mehnat qila boshladim.
Murabbiyimiz o'yindan avval ham jismonan, ham ruhan tayyorlagandi. G'alaba qozonmasak bo'lmasdi. Bu masuliyatni barcha his qilib turgandi.
Aliqulovning jamoadan ketishi biz uchun yo'qotish bo'ldi. Husniddin biz uchun kerakli o'yinchi edi. Lekin uning o'rnini to'ldirishga harakat qilamiz. O'zimning klub bilan ikki yillik shartnomam mavjud, shu bois, jamoadaman.
Osiyo CHempionlar ligasida kuchli raqiblar bilan to'qnashamiz. Ushbu o'yinlarda ham muxlislarimizni xursand qilishga harakat qilamiz", dedi "Nasaf" himoyachisi.
Bosh sahifaga
328