- O'yin haqida...
- Avvalambor "Olimpik"ni g'alaba bilan tabriklayman. Ularning g'alabasi cho'zilib ketgan edi. So'nggi bor may oyida g'alaba qozongandi. Fikrimcha, ikkita bir xil jamoa o'ynagandek bo'ldi. Bizga esa shunchaki omad etishmadi. Birinchi golda ham, ikkinchi golda diqqatni yo'qotdik. Raqibda g'alabaga bo'lgan xohish yuqori bo'ldi.
- "Turon" futbolchilari ikkinchi davra boshidagi ko'rsatgan o'yinini yo'qotib qo'ygandek. Futbolchilar o'zi bilganicha, nima qilishini bilmasdan, ishtiyoq va xohishdan kelib chiqib o'ynamoqda. Bu nima bilan bog'liq?
- "Buxoro" bilan ham, "Nasaf" bilan ham shu sxemada o'ynagandik. O'yinimiz o'sha-o'sha. Ayrim futbolchilar vazifasini biz istagandek bajara olmayapti. Yosh futbolchilarning aksariyati Superligada o'ynamagan. Mashg'ulotlardan kelib chiqib maydonga tushiryapmiz. Oxirgi yutqazgan ikki o'yinimizdan kelib chiqib aytganda, birinchi bo'limda qo'ygan tarkibda adashmoqdamiz. Ikkinchi bo'limda tushirgan futbolchilarimiz o'yinni kuchaytiryapti. Vaziyatlar ko'p bo'lyapti. Ishlashda davom etamiz. Yutqazganimiz uchun shunday ko'ringandir.
- SHohmalik Komilov atrofida o'yin qurilyaptimi yoki uning imkoniyatidan kelib chiqib ko'rsatmalar berilyaptimi?
- SHohmalik Komilovdan kelib chiqib o'yinni qilsak yaxshi bo'lardi. U "Buxoro", "Nasaf" bilan ko'rsatgan o'yinini ko'rsata olmayapti. O'zi bilan ham har safar o'yindan oldin gaplashaman. Ancha vaqtdan beri o'yin amaliyotiga ega bo'lmagani uchun formasiga kirib bormoqda. Undan ko'p narsa kutishimiz kerak. Buni o'zi ham sezib turibdi.
Bosh sahifaga
332