- OCHL saralash bosqichi doirasidagi "Al Arabi"ga o'yindan keyingi taassurotlaringiz bilan o'rtoqlashsangiz...
- Qiyin o'yin bo'lishini bilardik. Mahalliy muxlislar qo'llab-quvvatlovi ostida kuchli jamoaga qarshi o'ynadik. SHunga qaramay, ajoyib o'yin o'tkazdik va guruh bosqichi yo'llanmasini qo'lga kiritdik. G'alaba golimni oilam va xotinimga bag'ishlayman.
- Guruh bosqichida qaysi mashhur futbolchi bilan to'qnash kelishni istaysiz: Benzema yoki Neymar? (savol OCHL guruh bosqichiga qura tashlash marosimidan avval yo'llangan, javob ham ushbu marosimdan oldin berilgan — tahririyat)
- Benzemaga qarshi to'qnash kelishni istardim. Uning o'yin uslubi menga juda yoqadi. Himoyachilarning unga qarshilik ko'rsatishi qiyin bo'ladi.
- Keling, bolalik davringizga qaytamiz. Futbolga kirib kelishingiz haqida so'zlab bersangiz...
- Oilamizda futbolni yaxshi ko'rishardi. Futbol sevimli mashg'ulotimiz edi. Ikki akam bilan kun bo'yi hovlida shug'ullanardik, shuningdek, Play Station o'ynardik. Dam olish kunlari otam va bobom bilan boshqa shaharga borib, akalarimdan birining o'yinini tomosha qilardim.
- O'zbekistonga kelishingiz qanday sodir bo'lgan?
- Xabaringiz bor, bu erdagi faoliyatim "Surxon"dan boshlangan. O'sha vaqtlarda termizliklarni ispaniyalik murabbiy boshqarardi, qolaversa, ispan futbolchilari ham jamoa safida harakat qilardi. Bu erdagi futbol darajasi yuqori.
- O'zbekiston va Ispaniya o'rtasida qanday farq va o'xshashliklar mavjud?
- Asosan, hayot tarzida farqlanadi. O'zbekistonda butunlay boshqacha madaniyat mavjud, lekin men oilam bilan bu erga moslashdim, shu sabab, bu erda baxtlimiz. O'xshashliklar to'g'risida gapiradigan bo'lsa, bu mamlakat odamlari ham doimo sizga yordam berishga tayyor.
- Bo'sh vaqtingizni qanday o'tkazasiz?
- Bo'sh vaqtimda uyda dam olaman, sport zaliga boraman, itimiz bilan ko'chada sayr qilaman, shuningdek, taom tayyorlashni yaxshi ko'raman, rafiqam bilan kechki ovqatni birga tanavvul qilaman... Xullas, odatiy hayot kechiraman.
- Adashmasam, sizning eng sevimli futbolchingiz Fernando Morentes ekan?
- Fernando Morentes men uchun alohida ahamiyatga ega futbolchi hisoblanadi. Biz bir shahardanmiz, men uning "Real Madrid"dagi gollarini ko'rib ulg'ayganman. To'g'ri, uning darajasiga chiqa olmadim, lekin voyaga etgan shahrim miqyosida Ispaniya Primerasida debyut qilgan ikkinchi futbolchi bo'lishga muvaffaq bo'lganman.
Oshpazlik va oficiantlikdan futbolgacha. "Al Arabi"ga qarshi o'yinni o'tkazib yuboradigan Boake haqida 5 ta qiziqarli fakt
Oqil Abdubarnoev suhbatlashdi.
Bosh sahifaga
332