Ivan Boshkovich: "Raqib - chemionlik uchun davogarlardan biri, biroq biz ularning kuchsiz tomonlarini bilardik"

Ivan Boshkovich: "Bu bahsga yaxshi tayyorgarlik ko'rgandik. Raqib - chemionlik uchun davogarlardan biri, biroq biz ularning kuchsiz tomonlarini bilardik. 30-daqiqadan so'ng ikkita o'zgarish qilib, 2 nafar hujumchi bilan o'ynay boshladik. To'p bilan ikkinchi qavatda o'ynashga harakat qildik. Raqib hisobni tenglashtirdi, taktikada bazi o'zgarishlar qildik. Futbolchilar ko'rsatmalarni bajarib, pas orqali o'ynay boshlashdi. Raqibga aynan shu yo'l bilan muammo tug'dirdik. Oxirigacha harakat qildik va maqsadimizga etishdik. Doriev juda muhim golni urdi. Afsuski 2ta sariq kartochka olib, maydonni tark etdi. Asosiysi - natijaga erishdik. Keyingi bahslarga tayyorgarlik ko'ramiz.

Bugun stadionga tashrif buyurgan muxlislarga rahmat aytamiz. Kelasi bahsdan bundan ham ko'p ishqiboz bo'ladi deb umid qilaman. Keyingi uchrashuvda ham CHempionlar ligasida o'ynaydigan raqibga ("Paxtakor") qarshi maydonga tushamiz. Umid qilamanki, ular yaxshi o'yinlar va ijobiy natijalar guvohi bo'lishadi".

- "Navbahor"ga qarshi bahsga tayyorgarlik haqida aytib o'tsangiz.

- Biz bu o'yinga 15 kun tayyorgalik ko'rdik. Ular OCHLda o'ynashdi, keyin uzoq yo'l va bu o'z tasirini ko'rsatadi. Bu jabhada omadimiz keldi. Yigitlar ham ko'rsatmalarga rioya qilishdi. Bugun g'alabaga munosib edik.