Samvel Babayan: "Bu bizning eng yaxshi o'yinimiz deya olmayman. Maydonga shijoatsiz chiqdik, bunga yo'lmi, "nastroy"mi, nima sabab bo'lganini bilmayman. O'zgarishlar orqali o'yinni o'zgartirdik. Ikkinchi bo'limda gol urdik, biroq yana gol o'tkazib yubordik. Ko'p vaziyat yaratib, uni golga aylantira olmayapmiz. Birinchi davrada buncha hujum tashkil qila olmagandik. "Realizaciya"da oqsayapmiz.
"So'g'diyona"ni g'alaba bilan tabriklayman. Ular "Navbahor"ga qarshi juda yaxshi tayyorgarlik ko'rishgan ekan. Turnirdagi holatimizni og'irlashtirib oldik. Tahlil qilib, xatolarni to'g'irlaymiz. CHempionatda yana 9ta bahs bor, bu uchrashuvlarda munosib o'yin ko'rsatishga harakat qilamiz".
- Bugungi mag'lubiyatga OCHL o'yinidagi uzoq masofa tasir qildimi?
- Faktorlar ko'p. Ularning orasida yo'l ham bor. Qatarga Nukus-Doha yo'nalishi orqali uchdik, buning ustiga Dohadagi ekstra taymlar... Maydon sifati bahona bo'la olmaydi. Birinchi golda futbolchimiz sirpanib ketgani tufayli raqib darvozabonimiz bilan birga-bir vaziyatga chiqdi. Maydonlar sifati bo'yicha talabchanroq bo'lish kerak. Mening fikrimcha, maydon talabga javob bermasdi. Biroq bu bahona emas, ikkala jamoa ham bir xil sharoitda to'p tepdi. Ammo bu narsa o'yin natijasiga tasir ko'rsatdi.
Bosh sahifaga
251