Komissiya azolari 3 ta bahsli vaziyat bo'yicha o'z fikrlarini bildirib, yakuniy xulosalarini malum qildi.
1-vaziyat: Penalti bor yoki yo'q?
Dastlab uchrashuvning 42-daqiqasida “Neftchi” darvozasi tomon belgilangan penalti vaziyati ko'rib chiqildi. Unga ko'ra, komissiya vakillari uzoq vaqt davom etgan bahslardan so'ng, ovoz berish yo'li bilan masalani hal qildi. Natijada, ovozlarning katta qismi (80%) ushbu vaziyatda penalti bor deb topdi va hakamning qarori to'g'ri, deya baholandi.
2-vaziyat: Ofsayd bormidi yoki “Neftchi”ning goli nohaq bekor qilindimi?
O'yinning 45-daqiqasida yuzaga kelgan “Neftchi” tomonidan urilgan golning ofsayd sababli bekor qilinishi ham ko'plab noroziliklarga sabab bo'ldi. SHu tufayli, o'sha vaziyatda VAR tomonidan ofsayd chizig'i tortilgani va vaziyat o'sha paytiyoq tekshirilib, qaror to'g'ri chiqarilgani aks etgan videotasvirni ilova qilmoqdamiz. Ekspert hakamlar komissiyasi azolari bir ovozdan hakamlarning qarori bu holatda to'g'ri bo'lgan, degan xulosaga keldi.
3-vaziyat: Qizil yoki sariq kartochka?
Bahsning 57-daqiqasida OKMK futbolchisi Islom To'xtaxo'jaev tomonidan raqib futbolchisiga nisbatan o'yin qoidasi qo'pol tarzda buzilgan. Bosh hakam Ilgiz Tantashev esa dastlab futbolchiga to'g'ridan to'g'ri qizil kartochka ko'rsatgan, biroq VARga murojaat qilgach, qarorini o'zgartirib, bu vaziyatda sariq kartochka bilan kifoyalangan. Ekspert hakamlar komissiyasi ushbu holatni chuqur tahlil qilgach, qizil kartochka ko'rsatilishi kerak bo'lgan, degan xulosaga keldi.
OKMK bilan o'yindan keyin "Neftchi" hakamlikdan shikoyat qildi
Bosh sahifaga
314