- O'yin haqida
- Samarqandliklarni g'alaba bilan tabriklayman. CHiroyli o'yin guvohiga aylandik. Muxlislar gollar shodiyonasiga guvoh bo'lishdi. Mag'lubiyatdan afsusdamiz. Ikki marta hisobda oldinga chiqib olib, kerakli natijani saqlab qola olmadik. Birinchi bo'limda ham ko'p vaziyat yaratdik. O'yinga yaxshi tayyorgarlik ko'rgandik, biroq himoyadagi xatolarimiz qimmatga tushdi. Realizaciya o'z rolini o'ynadi. Vaziyatlardan unumli foydalanganimizda, hisob boshqacha ko'rinish olgan bo'lardi. Mag'lubiyatdan to'g'ri xulosa chiqaramiz.
- Bugun jamoa puxta tayyorgarlik ko'rgani sezildi. Raqib jamoaning o'yinlari bo'lmasa, qanday o'rgandingiz?
- Yo'q, bizda raqib jamoaning o'yinlari bor edi. "Dinamo"da yaxshi jamoa shakllangani ko'rinib turibdi. Legionerlar ham saviyali. Samarqandliklar bejizga Pro ligada mag'lubiyatsiz seriya qayd etmayapti hamda bejizga "Paxtakor"ni mag'lub etmagan. Afsuski, xatolar evaziga gollar o'tkazdik. Himoyachilarga savollarim bor. xatolar ustida ishlaymiz.
- Qo'shimcha bo'limlar avvalida jismoniy ustunlik yoshlardan iborat "Olimpik"da bo'lishi kerak edi. Nahotki, bu ham yordam berolmadi?
- Guvohi bo'lganingizdek, jismoniy jihatdan biz yutqazmadik. Aksincha, raqibda bu borada muammolar ko'zga tashlandi. 90 daqiqadan keyin yigitlarning holatini so'radim va ijobiy javob oldim. Maydonning o'ti baland ekan, bu oyoqning qo'shimcha kuch sarflashiga olib keladi. Mag'lubiyatda jismoniy holat emas, individual va taktik jihatdan ayb qidirish kerak. "Dinamo"ga yana bir bor omad tilayman va barchani Mustaqillik kuni bilan tabriklayman.
Bosh sahifaga
368