"Championat.asia" o'tkazilgan bahslar asosida tur laureatlarini aniqladi.
"Andijon" posboni Igor Litovka "Championat.asia" sayti talqiniga ko'ra 14-turning eng yaxshi darvozaboni deb topildi.
Uchrashuvdan avval ko'pchilik o'z uyida o'ynaydigan "Neftchi"ning g'alabasini taxmin qilgandi. Biroq, raqib katta ustunlikka ega bo'lishiga qaramay, Igor Litovka ishonchli o'yini bilan o'z darvozasi daxlsizligini saqlab qoldi va jamoasining bir ochkoni qo'lga kiritishida bosh rollardan birini ijro etdi. SHu sababli Igor Litovka "Championat.asia" sayti talqiniga ko'ra turning "Eng yaxshi darvozaboni" deb topildi.
"Metallurg" hujumchisi Zabihillo O'rinboev "Championat.asia" talqinida 18-turning eng yaxshi futbolchisi deya elon qilindi.
Bu tur bekobodliklar o'z maydonida kurashuvchan "So'g'diyona"ni qabul qildi. Qiziqarli bahs 3:1 hisobida "Metallurg" foydasiga hal bo'lganidan xabaringiz bo'lsa kerak. "Madanchilar" urgan uchala golda ham ishtirok etgan Zabihillo O'rinboev dubl yoniga assist ham qo'shib qo'ydi. Ajoyib mavsum o'tkazayotgan Zabihillo mavsumdagi gollari sonini 6 taga etkazib oldi.
"Metallurg" futbolchisi Kerim Palichning "So'g'diyona" darvozasiga kiritgan to'pi "Championat.asia" talqiniga ko'ra 18-turning eng chiroyli goli (VIDEO deb tan olindi.
"Metallurg" - "So'g'diyona" uchrashuvining 58-daqiqasida Palich deyarli maydon markazida to'pni Zabihillo O'rinboevdan qabul qilib oldi va oldinga qarab yugura boshladi. Bir nechta raqiblari qurshovida bo'lishiga qaramay, futbolchi darvozabonni ham dog'da qoldirib, bo'sh qolgan darvozaga to'pni yo'llab qo'ydi. Bu gol jizzaxliklarni nafaqat hisobda (3:0), balki ruhan ham sindirgan bo'lsa ajab emas.
"Buxoro" bosh murabbiyi Ulug'bek Bakaev "Championat.asia" talqiniga ko'ra 18-turning eng yaxshi murabbiyi sifatida etirof etildi.
"Buxoro" hali biror marta Toshkentda "Bunyodkor"ni mag'lub eta olmagandi. Ulug'bek Bakaev boshchiligida jamoa bu ishni uddaladi. Golni futbolchilar urdi, maydonda murabbiy o'ynagani yo'q dersiz, ammo jamoasi kuchini to'g'ri baholay olgan Ulug'bek raqibdan qo'rqib, durangga rozi bo'lmadi. Asosiy tarkibda tushirilgan Asilbek Qayumov hisobni ochgan bo'lsa, tanaffusdan keyinoq (hisob 1:1 edi) murabbiy boshqa bir hujumchi SHohruz Norxonovni jangga tashladi va adashmadi. Aynan Norxonov hakam tomonidan qo'shib berilgan daqiqalarda g'alaba to'pini kiritdi. Tarixiy g'alabaning "bosh aybdori" bo'lgan Ulug'bek Bakaev "Championat.asia" talqiniga ko'ra turning eng yaxshi murabbiyi bo'lishga eng munosib nomzod.
Bosh sahifaga
469