"Yurtimizda Vatanimiz mustaqilligining 32 yillik tantanalari keng nishonlanayotgan shu kunlarda Namangan viloyati hokimi, viloyat futbol associaciyasi prezidenti SHavkat SHokirjanovich Abdurazzoqovning tashabbusi bilan “Navbahor” jamoasining ko'p ming sonli muxlislarining fidoyiliklariga hurmat tariqasida, qolaversa, Vatanimiz istiqlolining 32 yilligiga sovg'a sifatida 3 sentyabr kuni bo'lib o'tadigan O'zbekiston Coca Cola kubogining chorak finalidan o'rin olgan “Navbahor” – “Surxon” uchrashuviga kirish BEPUL qilib belgilandi.
Bu ham, albatta, futbol muxlislari auditoriyasini kengaytirish, stadionga tomoshabinlarni jalb qilish yo'lida amalga oshirilayotgan keng ko'lamli ishlarning uzviy davomidir.
SHu munosabat bilan, muxlislarga 3 sentyabr kungi uchrashuvda Namangan shahar, Davlatobod tumanidagi “Markaziy” o'yingohiga bepul tashrif buyurib, stadiondagi CIP sektordan tashqari, boshqa barcha sektorlarga joylashishlari mumkinligini malum qilamiz.
Stadionga tashrif buyuruvchilardan jamoat tartibi va muxlislik madaniyatiga qatiy rioya qilishlari, xususan, huquq-tartibot organlari xodimlari, atrofdagi boshqa tomoshabinlar va futbol uchrashuvi rasmiylariga nisbatan hurmat saqlashlari lozimligini eslatib o'tamiz.
Ushbu futbol bayramiga bevosita guvoh bo'lishni istagan barcha millionlar o'yini ixlosmandlarini “Markaziy” stadioniga chorlaymiz!
Zero, fidoyiligi va jonkuyarligi bo'yicha mamlakatimizda alohida o'ringa ega bo'lgan “Navbahor” muxlislari sevimli jamoamizni odatdagidek, yuqori saviyada qo'llab-quvvatlab, bayramona muhit hosil qilishlariga aslo shubha yo'q" - deyiladi "Navbahor" matbuot xizmati bayonotida.
Bosh sahifaga
167