Farg'onaning "Neftchi" klubi 1972 yil Tojikistonining Xo'jand shahrida tavvallud topgan mutaxassis bilan kelishuvni 2026 yilgacha uzaytirganini elon qildi.
"Tajribali murabbiy Vitaliy Levchenko 2022 yil iyul oyida "Neftchi" futbol klubiga bosh murabbiy bo'lib kelganda jamoa Superliganing oxirgi o'rinlaridan birida borar edi. Yangi mutaxassis ahvolni o'nglash uchun astoydil ishga kirishib, jamoaning taniqli klublar ustidan g'alaba qozonishini taminladi. Natijada farg'onaliklar turnir jadvalining to'qqizinchi pog'onasiga ko'tarilib olishdi.
Vitaliy Grigorevich boshchiligidagi jamoa 2023 yil mavsumini puxta reja, aniq maqsad bilan boshladi. Dastlabki uchrashuvlarni g'alaba bilan yakunlab mavsum o'rtalarigacha turnir peshqadami bo'lib keldi. Jamoalar o'rtasidagi g'oliblik uchun kurash kuchayib ketgan taqdirda ham farg'onaliklar peshqadamlar safida mustahkam o'rnashib oldilar. Hozirgacha Superliga musobaqasida mag'lubiyatga uchramay kelayotgan "Neftchi" bundan buyon ham g'oliblar safida bo'lish uchun barcha imkoniyatlarni ishga solmoqda. Jamoa tarkibidagi ayrim o'zgarishlarga qaramay "Neftchi" eng ishonchli jamoa sifatida muxlislar ruhini shod etib bormoqda. Bunday g'olibona va ishonchli holatni vujudga keltirishda bosh murabbiyning tajribasi, mahorati va masuliyati kuchli ekanligi poydevor bo'lmoqda. Ana shular hisobga olinib, klub rahbariyati Vitaliy Levchenko bilan bosh murabbiy sifatidagi shartnomani 2026 yilgacha uzaytirishga qaror qildi.
Ko'p ming sonli muxlislar nomidan Vitaliy Grigorevichni bu yuksak ishonch bilan chin yurakdan muborakbod etamiz va unga olijanob niyatlarini amalga oshirish yo'lida yangi zafarlar tilaymiz", - deyiladi klub xabarida.
Bosh sahifaga
210