Mazkur uchrashuvda Farg'ona viloyati futbol associaciyasi vakillari, viloyat futboli mutasaddilari, "Neftchi" klubi rahbariyati va murabbiylar shtabi va bir guruh muxlislar ishtirok etdilar.
Uchrashuvda so'zga chiqqan O'FA birinchi vice-prezidenti Ravshan Ermatov va boshqa mutassaddilar Farg'onada futbolni yaxshi ko'radigan va ushbu sport turiga ishqibozlik qiladigan muxlislar soni juda ko'pchilikni tashkil etishi, stadionlarda tomoshabinlarga yanada qulaylik yaratish borasida amalga oshirilayotgan ishlar xususida qator fikr va mulohazalarni aytib o'tdilar. SHuningdek, mazkur jarayonda "Neftchi"ning sobiq futbolchisi va murabbiyi Andrey Fyodorov ham bevosita ishtirok etdi. Bizga malum bo'lishicha, O'zbekistonga bir necha kun dam olish kelgan Fyodorov O'FA vice-prezidenti Ravshan Ermatovning taklifiga ko'ra Farg'onaga, futbol muxlislari bilan uchrashuvga etib borgan.
"Neftchi" matbuot xizmatiga ko'ra, endilikda jamoa fan-klubi tizimida qator islohotlar amalga oshiriladi. Bu borada 12-sentyabr kuni maxsus yig'ilish bo'lib o'tishi belgilangan.
Uchrashuv davomida, futbol uchrashuvlaridagi hakamlik borasida ham so'z bordi. Ushbu masala yuzasidan so'z olgan O'FA vice-prezidenti Ravshan Ermatov Coca-Cola Superligasining so'ngi 26-turidan o'rin olgan "Navbahor" va "Neftchi" jamoalari o'rtasidagi vodiy derbisiga xorijlik hakamlar guruhi taklif etilishi rejalashtirilayotgani malum qilindi.
Bekzod Tolibov
Bosh sahifaga
267