Mutaxassis U-23 Osiyo kubogi saralash bosqichidan o'rin olgan O'zbekiston - Gonkong uchrashuvini bevosita stadiondan kuzatdi. Biz esa fursatdan foydalanib Andrey Vitalevichning o'yindan olgan taassurotlari, futbolchilarimizning Rossiya klublaridagi o'yinlari va O'zbekiston chempionati haqidagi fikrlari bilan qiziqdik.
- Albatta O'zbekiston ko'rsatgan o'yin yoqdi. Lekin raqibning darajasini ham unutmaslik kerak. Gonkong faqat 15 daqiqa qarshilik ko'rsata oldi. Gol urib olganimizdan so'ng futbolchilar xotirjam o'z o'yinlarini ko'rsatishga o'tishdi. CHunki oldinda Eron bilan muhim o'yin kutib turibdi. Menga esa futbolchilarning o'yinga bo'lgan munosabati yoqdi. Raqib engil, deb xotirjamlikka berilib ketishmadi. Har bir vaziyatni golga aylantirishdi.
- O'zbekiston chempionati uchrashuvlarini to'liq ko'rmayotgan bo'lsamda, ijtimoiy tarmoqlarda vaziyatlardan yaratilgan videolarni kuzatib bormoqdaman. CHempionlik uchun 3-4 jamoa kurashadi. Bular "Paxtakor", "Navbahor", "Neftchi". Bitta jamoani ko'rsatish qiyin. Oxirgi tur oldidan ochkolar farqi ham katta ahamiyat kasb etadi. Bu borada barchaga omad tilayman. O'ylaymanki, kurash oxirgi turgacha davom etadi.
- O'zbekistonlik futbolchilar rus klublariga o'tmoqda. Odatda ko'plab murabbiylar o'zbekistonlik futbolchilar haqida so'raydi. Mendan so'raganlarga shunchaki ko'rmasdan turib futbolchilarning sifatlari haqida gapira olmayman. SHu bois mana stadiondan o'zim kuzatishga qaror qildim. Ayrim futbolchilar etiborimni tortdi. Ularning salohiyatiga kelsak, barchasi o'zlariga bog'liq. Deylik, Abbos Fayzullaev va Umarali Rahmonalievda ajoyib sifatlar bor. Fayzullaev atletik taraflama juda engil futbolchi. CSKA safidagi o'yinlarini ko'rdim, jismoniy kuch taraflama o'zining eng yaxshi jihatlarini ko'rsata olishga qiynaldi. Lekin ikkisining ham salohiyati yuqori.
-"Lokomotiv"da yaxshi damlarni o'tkazgandik. Ularning joyi Superligada. Aminmanki, bu yil Pro ligada vazifani bajarib elitaga qaytadi. Klubga bu yo'lda omad tilayman.
Abdulaziz Iskandarov yozib oldi
Bosh sahifaga
146