Suhbat davomida yarim himoyachi "Paxtakor"ga o'tishi va "Nasaf"dagi ayni paytdagi holat haqida ham aytib o'tdi.
"Mazkur jarayon tezda ro'y berdi. "Paxtakor" jamoasi SHota Arveladze murabbiylik qilgan paytda ham menga qiziqish bildirgandi. Klub rahbarlari bilan Qarshida gaplashgandik. O'sha pallada menda xorijdan ham yuz foizlik taklif bor edi. Xorijga ketishni ko'proq o'ylagandim. Lekin pandemiya tufayli amalga oshmay qoldi. Yaqinda AGMK jamoasidan ham chorlov bo'lgandi. SHundan so'ng "Paxtakor"dagilar menga jiddiy taklif bilan chiqishdi. "Nasaf"ning ushbu holatga javobini ikki oy kutdim. SHartnoma shartlarini va boshqa jihatlarini kelisha olmadik. Yakunda poytaxt klubiga o'tishga qaror qildim. Bir yillik shartnoma imzoladim. Agarda chetdan yaxshi taklif bo'lsa qarshiliksiz qo'yib yuborishlarini shartnoma bandlariga kiritdik. SHu jihati manzur keldi.
Raqobatdan qo'rqmayman. Kuchli raqobat bor joyda o'sish bo'ladi. Maqsadim OCHLda yaxshi o'yin ko'rsatib muxlislarni xursand qilish.
"Nasaf"da hozirda moliyaviy holat yaxshilanmoqda. O'ylaymanki, akademiyani o'z holiga tashlab qo'yishmaydi",- deydi Muhitdinov.
Bosh sahifaga
362