Klub skaut lavozimini egallaydigan rossiyalik mutaxassis Nikolay Egorichev bilan bitim imzoladi. Championat.Asia o'quvchilari Nikolayni saytimizdagi muxbir sifatidagi faoliyati orqali bilishadi.
Nikolay Egorichev skauting bo'yicha TalentScout rus kursini tugatdi, italyan skauting agentligi bo'lmish A2M (Markaziy Osiyodagi bozor bo'yicha) bilan hamkorlik qildi, shuningdek FNLning "Akron" klubidagi amaliyot o'tadi (o'zbekistonlik yosh futbolchilarni tahlil qildi).
Egorichevning vazifalariga quyidagilar kiradi:
• "Andijon"ning hozirgi o'yinchilar va zaxira imkoniyatlarini baholash;
• yoshlar jamoalarini tahlil qilish va asosiy jamoada imkoniyat olishga loyiq bo'lgan istiqbolli futbolchilarni aniqlash;
• "Andijon"ning birinchi va yoshlar jamoalarida kuchayishga muhtoj bo'lgan poziciyalarini aniqlash;
• o'yinchilarni izlash va tahlil qilish (ham tashqi bozorda, ham ichki);
• "Andijon" o'yinchilarini xorij bozorlariga olib chiqish (jumladan, futbolchilarning xorij klublarida ko'rik va amaliyotlarini tashkil qilish).
SHunday ekan, "Andijon" qishki transfer oynasiga oldindan tayyor bo'lmoqchi va rejali tarzda kelasi mavsumga tayyorgarlik ko'rmoqda.
Qayd etish kerakki, "Andijon" shtatida o'zining skautiga ega bo'lgan O'zbekistondagi ilk klubga aylandi.
Bosh sahifaga
549