"Zamonaviy futbolda har bir professional klubning o'z shtatida nafaqat birgina skaut, balki selekciya bilan shug'ullanuvchi butun bir bo'lim bo'lishi kerak. Skaut ishi katta ahamiyatga ega, sababi u ham mamlakat ichida, ham tashqarisida o'yinchilarni izlaydi va tahlil qiladi. Albatta, u yoki bu o'yinchi bilan shartnoma imzolash bo'yicha yakuniy qarorni bosh murabbiy hal qiladi, ammo skaut selekciya bo'yicha uning birinchi yordamchisi bo'lishi kerak.
O'zbekistonda odatda skaut vazifasini bosh murabbiy, uning yordamchilari, bosh yoki sport direktori bajaradi va ularga tez-tez agentlar yordam beradi. Ammo, agentlar birinchi navbatda, o'z foydalariga qiziqishadi va ular jamoani qanday kuchaytirish emas, balki o'z o'yinchilari haqida o'ylashadi. Ha, agent yordam berishi va yaxshi o'yinchi taklif qilishi mumkin, ammo bu uning uchun ikkinchi darajadagi vazifa. Klubni kuchayishi haqida unda ishlaydigan odamgina o'ylashi mumkin va bu skaut bo'lishi yaxshiroq.
Futboldagi zamonaviy tendenciyalarni hisobga olib, selekciyani yangidan yuritish vavqti keldi. SHu sabab, "Andijon"ga rossiyalik skaut Nikolay Egorichevni taklif qilishga qaror qildik. Biz uning ishlari bilan tanishdik va davomli muloqotdan so'ng hamkorlik bo'yicha kelishib oldik. Bu klubimizga ham, yosh mutaxassisga ham o'z professional sifatlarini ko'rsatishiga yordam berishiga ishonamiz", – dedi Mirzaev.
Avvalroq "Andijon" o'z skautiga ega O'zbekistondagi ilk klubga aylangani haqida xabar bergan edik.
Bosh sahifaga
253