Mazkur uchrashuvdan so'ng terma jamoamiz hujumchisi Husayin Norchaevning fikrlari bilan qiziqdik.
"Xudoga shukur g'alaba qozondik. Vatanimizga chiroyli bayram bo'ldi, deb o'ylayman. Ishlashda davom etamiz. Oldinda Osiyo o'yinlari bor. Musobaqaga yaxshi tayyorgarlik ko'ramiz. Xalqimizga xursandchilik ulashishga harakat qilamiz",- deydi Husayin Norchaev.
- Eronga qarshi uchrashuv oldidan havotir bormidi?
- Bizda havotir yo'q edi. Eronga qarshi odatdagidek tayyorgarlik ko'rdik.
- Jarima maydonchasi ichida ko'p vaziyatlar yaratdik. Lekin foydalanishga qiynaldik. Bu hayajon sabab edimi yoki raqib himoyachilarining munosib harakati?
- Bu omad bilan bog'liq, deb o'ylayman. Katta futbolchilarda ham bunday holat bo'lib turadi. Harakat qildim, o'xshamadi. Xatolarim ustida ishlab, yanada kuchliroq bo'lishga harakat qilaman.
- Oldinda Osiyo o'yinlari kutib turibdi. Murabbiylar sizni tarkibga jalb qilish masalasini qay tariqa hal qilyapti?
- Hozirda terma jamoa murabbiylari "Alaniya" murabbiylari bilan gaplashishmoqda. SHundan keyin biror narsa deyish mumkin.
- Bugun hakamlarga ko'p etiroz bo'ldi. Hakamlikdan ko'nglingiz to'ldimi?
- Muhimi biz yutdik. Hakamlarni biz muhokama qilmaymiz. Ularni muhokama qiladiganlar bor. Biz ko'proq o'z o'yinimizni qilishimiz kerak.
Bosh sahifaga
544