33817 - Atlantadagi "Mercedes-Benz" stadioniga o'yinni ko'rish uchun aynan shuncha tomoshabin keldi.
50 - Jaloliddin Masharipov O'zbekiston terma jamoasi safida o'zining yubiley 50-uchrashuvini o'tkazdi. Bu borada Masharipov Aleksandr Xvostunovga etib oldi.
22 - O'zbekiston Katanec boshchiligidagi 22-o'yinni o'tkazdi va 3-marta durang o'ynadi. Bungacha ushbu murabbiy qo'l ostida Venesuela (1:1) va Rossiya (0:0) bilan o'yinlarda murosa ko'chasi tanlangandi.
17 - O'tkir Yusupov terma jamoada o'zining 17-uchrashuvini o'tkazdi (Aleksey Polyakovga etib oldi) va maydonga tushgan darvozabonlar orasida 6-o'ringa chiqib oldi. 5-o'rinda 20 ta o'yin o'tkazgan Aleksandr Lobanov joy olgan.
4 - O'zbekiston KONKAKAF mintaqasining to'rtinchi terma jamoasiga qarshi maydonga tushdi va birinchi bor mag'lub bo'lmadi (Kanada 1:2, Kosta-Rika 1:2, AQSH 0:3)
4 - Otabek SHukurov terma jamoamiz libosidagi 57-uchrashuvida o'zining 4-golini urdi. SHukurov bungacha Xitoy (2016 yil), Senegal (2018) va Saudiya Arabistoni (2019) terma jamoalariga gol urgandi.
2 - Azizbek Turg'unboev O'zbekiston milliy terma jamoasi safidagi 22-uchrashuvda o'zining 2-golini urdi. Birinchi golini 2022 yil Tailand darvozasiga urgandi.
1 - Bobir Abdixoliqov O'zbekiston milliy terma jamoasi tarkibidagi 9-o'yinda maydonga tushdi va birinchi golini urishga erishdi.
Bosh sahifaga
528