Endilikda vakillarimiz oldida yana bir katta musobaqa Xitoyning Xanchjou shahrida bo'lib o'tadigan Osiyo o'yinlari kutmoqda. Terma jamoa ustozi Timur Kapadze musobaqaga boradigan tarkib xususida fikrlari bilan o'rtoqlashdi.
— Osiyo o'yinlariga keladigan bo'lsak, yoshi katta futbolchilardan foydalanmaymiz. Bilasiz, bu turnirga bir yil oldin ro'yxat beriladi. Kengaytirilgan ro'yxatdan 50-60 nafar futbolchi o'rin oladi. 2001 va undan kichik yoshdagilar jalb qilingan. Kengaytirilgan ro'yxatdagilarni chaqiramiz. 3 nafar darvozabon va 19 nafar futbolchi bo'ladi. Tarkib deyarli aniq. Ibrohimhalil masalasida Sergey Yuran bilan gaplashyapmiz. CHunki "Pari NN"da zaxirada o'tiribdi. O'yin amaliyoti kam. Agarda kechgacha hal bo'lsa, olib ketamiz. "Alaniya" Husayn Norchaevga ruxsat berdi. Ruslan Jiyanov ketayotgan paytda Osiyo o'yinlariga chaqirishni shartnomaga kiritganmiz. Bu borada muammo yo'q. Nasib qilsa, Osiyo o'yinlariga 16 sentyabr kuni uchib ketamiz.
— Abduqodir Husanov ro'yxatda bo'lmaydi. CHunki hamma legionerlarga xat yubordik. Javob olmadik. CSKA esa Fayzullaevni qo'yib yubormaydigan bo'ldi. Umaralida ham xuddi shunday holat.
— Osiyo kubogi aprel oyida bo'ladi. Afsuski, faqat milliy terma jamoalar FIFA kunlarida rasmiy o'yinlar o'tkazadi. Qolgan yosh jamoalarida bunga etibor qaratishmaydi. Husanov va legionerlar borasida muammoga duch kelishimiz mumkin. O'ylaymanki, muhim pallada vatan uchun yordam berishadi. Qolganini vaqt ko'rsatadi.
Bosh sahifaga
758