"Agar siz Kaysedoga 115 million funt sarflayotgan bo'lsangiz, Raysga 120 million funt sarflashingiz mumkinmi? Men Deklanni shaxsan bilmayman, u "Arsenal"da o'ynashni istamaydi demayman, lekin menimcha, u "CHelsi"ga o'tishni ham xohlagan.
Siz o'yinchilarning bazilariga qarab, "Qanday qilib Rays boshqa jamoada o'ynayapti?" deb o'ylaysiz. Unga o'xshagan futbolchilar o'tmishda "CHelsi"ga kelib qo'shilgan. Men o'z yosh toifasida eng kuchlilar qatorida bo'lgan futbolchilar haqida gapiryapman, Deklan Rays o'zining eng yuqori cho'qqisida edi.
Men "CHelsi" futbolchilarining yarmini tanimayman! Men uchun bu g'alati, hammasi juda g'alati. Men jamoa qanday qurilayotganini tushunmayapman, qayta qurishning butun o'tish bosqichi men uchun jumboqli.
Men Enco Fernandesni yoqtirmayman demayman, lekin agar biz u va Kaysedo uchun 230 million funt sarflayotgan ekanmiz, ulardan ko'ra Raysni sotib olgan bo'lardim. Iltimos, jamoaga eng yaxshi futbolchilarni olib keling", – dedi Begovich.
Bosh sahifaga
264