Video  “BMB CUP” musobaqasining g'olib va sovrindorlari taqdirlandi

Turnirda 60 dan ortiq jamoalar ishtirok etish istagini bildirdi. Avvaliga saralash musobaqasi tashkil etildi, ushbu bosqichdan muvaffaqiyatli o'tgan 16 jamoa asosiy turnirda ishtirok etdi. Asosiy turnirda jamoalar jami 30tadan o'yin o'tkazishdi.

16 sentyabr kuni Toshkentdagi Singapur menedjmentni rivojlantirish instituti sport majmuasida ushbu musobaqaning so'nggi tur o'yinlari va tantanali taqdirlash marosimi bo'lib o'tdi.

Taqdirlash marosimida BMB Holding Kuzatuv Kengashi raisi Bekzod Mamatqulov, O'FA bosh kotibi Avaz Maksumov, O'FA Birinchi vice-prezidentining maslahatchisi Rahmiddin Zikriyaev, O'FA faxriylar kengashi raisi To'lagan Isoqov, Toshkent shahar futbol associaciyasi rahbari Azamat Abduraimov ham qatnashishdi.

BMB CUP musobaqasining eng yaxshilari:
Eng halol va jonkuyar xakamlar - Nikita Afinogenov va Umid Po'latov.

“Fair Play” sovrini - MFK “Guliston”.

"G'alabaga bo'lgan ishonch uchun" - “Jizzax Nur”.

Turnir o'tkazilishi davrida vafot etgan ushbu jamoaning ikki futzalchisi Siddiqov SHaxzod va Abdulaximov Jasurlarning oila azolariga turnir tashkilotchilari nomidan moddiy yordam sifatida 15 mln so'mdan pul topshirildi. Bundan tashqari BMB Holding tomonidan yil davomida vafot etgan futzalchilarning oilasiga moddiy yordam berib boriladi. Sodir bo'lgan fojeali avtoavariyada tan-jarohati olgan ushbu jamoa azosi IbragimovDavlatga moddiy yordam sifatida 10 mln pul topshirildi.

“Turnirning eng yaxshi darvozaboni” - Odil Sadriddinov ("Istiqlol").

“Eng yaxshi yosh o'yinchi” - Abdukarimov Toxir (“Feniks”).

“Turnir to'purari” - Toshpo'latov Sirojjon (“Pedagog”) 42ta gol.

“Turnirning eng yaxshi o'yinchisi” Mamatov Aziz (“BMB”).

Musobaqada uchinchi o'rinni "Istiqlol" jamoasi egalladi va bronza medallari bilan birga 50 million so'm pul mukofotiga ega bo'ldi. 2-o'rinni egallagan “Feniks” jamoasiga kumush medallar va 100 million so'm pul mukofoti topshirildi. Musobaqa chempioni bo'lgan "BMB" jamoasiga maxsus kubok, oltin medallar hamda 150 million so'm pul mukofoti topshirildi.

Tantanali taqdirlash marosimida VIA Marokand guruhi hamda estradamizning yosh vakilasi Afruza o'z chiqishlari bilan yig'ilganlarga yaxshi kayfiyat bag'ishlashdi.