"Manchester Yunayted" sobiq bosh murabbiyi Ole-Gunnar Sulsher hujumchi Krishtianu Ronalduning "Manchester Yunayted"ga ikkinchi transferi haqida gapirdi.
"Bu qarorni rad etish juda qiyin edi va men buni amalga oshirishimiz kerak, deb his qildim, lekin bu noto'g'ri bo'lib chiqdi. U shartnoma imzolaganida, "Old Trafford"da "Nyukasl" bilan o'yinda dubl qildi va muxlislar buni to'g'ri tanlov deya hisoblay boshlashdi. Krishtianu o'sha lahzada hamon dunyoning eng yaxshi hujumchilaridan biri edi.
Ammo keyin bizni hal qiluvchi davr kutardi: "Manchester Siti", "Liverpul", "Tottenxem", mehmonda "Lester". Keyin "CHelsi", "Arsenal" va CHempionlar Ligasi o'yinlari. Hammasi rejamizdagidek bo'lmadi. Jamoada hamma narsa birgalikda hal etilishi kerak. Ammo ishimiz yurishmaganida, bazi futbolchilar va ularning egolari birinchi o'ringa chiqqani oydinlashib qoldi", – dedi mutaxassis.
Ronaldu ikkinchi marta 2021 yilning yozida "Yuventus"dan "Manchester Yunayted"ga o'tdi. Portugaliyalik futbolchi MYU jamoasini 2022 yilning noyabrida erkin agent sifatida tark etdi.
Bosh sahifaga
537