- Ilk navbatda bugungi g'alabadan xursandman. Bu uch ochko havo kabi kerak edi. O'yinning muhimligini yigitlar tushunib turishgandi. Ayni damda turnir jadvalida so'nggi o'rinda turibmiz. Kurash davom etmoqda, biz ham oxirigacha kurashamiz. Yigitlarimga katta rahmat aytaman. Birgalikda yaxshi tayyorlandik. "Surxon"ning qanday o'ynashini, nimalarga qodirligini bilardik. Yigitlardan minnatdorman, ular ushbu o'yinga tuzilgan rejani, strategiyani to'liqligicha bajara olishdi. SHuningdek, 600 kilometr yo'lni bosib kelgan muxlislarga ham rahmat aytaman. Ular bizni yaxshi qo'llab turishibdi. Xursandman, ammo hali hech nima qilganimiz yo'q. Muhim o'yinlar oldinda.
- G'alaba bilan tabriklayman. "Qizilqum" ikkinchi bo'limda himoyaviy o'yin namoyish etgandek. Umuman olganda jamoangizni ikkinchi bo'limga qaysi ko'rsatmalar orqali tayyorladingiz?
- Ayni damda turnir jadvalidagi holat sababli "Surxon" bosimsiz o'ynadi. Ular hozir 6-o'rinda. Bizda esa bosim bor, ko'pchilik ruxan cho'kkan, bu ruxiy holat ham o'z so'zini aytadi. Ammo bugun yigitlarning ko'zi yondi. Faqatgina g'alaba uchun ularga ko'rsatmalar berdim. Hozir har bir ochko oltinga teng bo'lib turibdi. Bu holatdan chiqib ketishimiz uchun o'zimiz yordam berishimiz kerak. CHetdan hech kim yordam bermaydi. SHu sababli birinchi bo'limda katta tashabbus ko'rsatdik, yaxshi vaziyatlar yaratdik, biroq foydalanish qiyin bo'ldi. Ikkinchi bo'limni esa yomon boshladik. 15 daqiqalar mobaynida biz faqat qarshi hujumda o'ynadik, shunda ham vaziyatlar yaratdik. Futboldagi sen urmasang senga urishadi tushunchasi yana o'zini ko'rsatdi va raqiblar bir vaziyatdan gol urib ketishdi. 1:1 hisobi vaqtida bizda yana ko'plab vaziyatlar bo'ldi, undan foydalana olishda qiynaldik. SHu bois ikkala bo'limda ham biz katta ustunlik qildik deb ayta olaman. Bizda tashabbus ko'proq bo'ldi. Vaziyatlar bo'ladi, o'yin esa raqibga qarab tuziladi. SHunchaki vaziyatni yakunlash bizga etishmadi. Qarshi hujumlarga yaxshi o'tdik, ammo so'nggi pas etishmadi, bazida to'pni ko'p ushlab yubordik. Ayrim joylarda esa to'pni shunchaki yo'qotdik.
- Bir necha yillar oldin Siz "Buxoro"da ishladingiz va o'sha paytda ham jamoa ligada qolish uchun kurash olib bordi. Umuman olganda "Buxoro" va "Qizilqum" o'rtasidagi farq qanday?
- Mening taqdirim shunday - so'nggi o'rindagi jamoada ishlash. Bu savolga javob berish juda qiyin.
- Legioner Akaki SHulaya bugun chiroyli gol urdi. Bu golga qanday tarif bergan bo'lardingiz?
- Van Persi uslubidagi gol? Rostdan ham chiroyli gol bo'ldi. Bunday gollar kuchli beshlik chempionatlarida bo'lib turadi.
Bosh sahifaga
774