Ushbu sahifada o'yinning matnli translyaciyasini kuzatib borishingiz mumkin.
YANGILASH
67-daqiqa. Ogohlantirish! Nacho nisbatan qo'pollik uchun Lukas Vaskesga hakam sariq kartochka ko'rsatdi.
Vinisius Junior, Mariano Dias va Marko Asensio uchun bugungi bellashuv yakunlandi.
66-daqiqa. O'zgarish! Zizu gol urilganiga qaramay, tayyorlab qo'ygan o'zgarishlarini qaytarmadi. Serxio Arribas, Isko va Ugo Duro o'yinga qo'shildi.
65-daqiqa. GOOOOOOOOOOL! Kazemiro hisobni ochdi.
64-daqiqa. Lukas Vaskes aqlli o'ynadi va to'pni oldirib qo'yishi mumkin bo'lgan vaziyatda jamoasiga jarima zarbasi ishlab berdi.
62-daqiqa. Mezbonlar jonlanishdi, burchak zarbasi ketidan yana bir hujum, lekin hozircha "Real" himoyachilari xotirjam harakat qilmoqda.
61-daqiqa. Ogohlantirish! Asensioga nisbatan qo'pollik uchun Nacho (Valyadolid) sariq kartochka bilan ogohlantirildi.
60-daqiqa. Varan to'pni tepib yuborgach, Gvardiolaning oyog'ini ham mo'ljalga oldi. Hujumchi maydonda yotibdi.
57-daqiqa. Maydonda keskin kurashlar, to'qnashuvlar soni ortdi.
55-daqiqa. Xavfli vaziyat! Mendining kutilmagan uzatmasidan keyin Orelyana kuchli va aniq zarba yo'lladi, ammo bu safar ham Kurtua jamoasini qutqarmoqda.
53-daqiqa. Mariano Dias hujumda fol ishlatdi.
52-daqiqa. Yana asli vinger bo'lgan, ammo bugun ham himoyada o'ynayotgan Vaskes markazga kirib borib, zarba berdi, lekin bu safar ancha noaniq.
51-daqiqa. Lukas Vaskes raqib posbonini tekshirib ko'rdi, ammo Masip sakrab, to'pni egallab oldi.
Kroosning uzatmasidan keyin raqiblar etiboridan chetda qolgan Kazemiro zarba yo'lladi, ammo yana noaniq.
49-daqiqa. Vinni burchak zarbasi ishlab oldi.
48-daqiqa. Javob hujumida Vinisius shunga o'xshash, o'ta kuchsiz zarba yo'lladi.
47-daqiqa. Roke Mesa jamoasining tezkor hujumini zarba bilan yakunladi, ammo Kurtua to'pni bemalol ushlab oldi.
46-daqiqa. Ikkinchi bo'lim boshlandi. Uni mezbonlar boshlab berishdi, chap qanotdan oldinga o'tmoqchi bo'lgan Orelyana to'pni o'zidan qochirib yubordi.
45+1-daqiqa. "Real"ning hujumida ish zarbagacha bormadi. Jordi Masip to'pni o'yinga kiritdi, qo'shib berilgan vaqt yakuniga etgandi, shu sababli hakam birinchi bo'lim yakunlanganini bildiruvchi hushtagini chaldi. Tanaffus!
Birinchi bo'limning asosiy vaqtiga 1 daqiqa qo'shib berildi.
45-daqiqa. Qanotdan uzatmani "Valyadolid" himoyachisi qaytarib yubordi va xavfni bartaraf etdi.
43-daqiqa. "Real" juda erkin tarzda harakat qilmoqda va raqib jarima maydoni yaqinida to'p bilan muntazam ravishda muomalada bo'lyapti, xuddi mashg'ulotdagidek, ammo hozircha bu ustunlikni tabloda aks ettirishning imkoni bo'lmayapti.
41-daqiqa. Mendi to'pni oldirib qo'ydi va o'yin qoidasini buzishga majbur bo'ldi.
39-daqiqa. Uzatmadan keyin Kazemiro boshi bilan zarba yo'lladi, lekin biroz noaniq.
38-daqiqa. Qiziq holat, to'pni ushlagan darvozabon inerciya natijasida jarima maydonidan chiqib ketdi.
37-daqiqa. Markazda Kazemiro nisbatan qo'pollik ishlatildi.
35-daqiqa. Vinisius ikki raqibini dog'da qoldirib, jarima maydoniga kirib ketayotganida yiqitildi.
34-daqiqa. Mariano Dias ketma-ket raqiblarini aldashga kirishib ketdi, ammo oxiri baribir to'pni yo'qotdi.
32-daqiqa. Modrichning uzatmasini himoyachi maydon tashqarisiga chiqarib yubordi. Burchak zarbasini xorvatiyalikning o'zi amalga oshirdi, lekin sheriklaridan hech kim to'pga eta olmadi.
30-daqiqa. GOOOOOOL! Biroq Mariano yana o'yindan tashqari holatda. Bu safar ham oxirgi pasni Luka Modrich bergandi.
29-daqiqa. Mezbonlar hujumini Kike boshi bilan zarba yo'llab yakunladi, Kurtua o'z o'rnida.
28-daqiqa. "Real Madrid" navbatdagi hujumini uyushtirdi, lekin bu safar futbolchilar oxirgi zarbani berishni unutib qo'yishdi chog'i, oxiri darvozabon to'pni egallab oldi.
26-daqiqa. Uzatmadan keyin Vinisius himoyada faollik ko'rsatdi va hujumni boshlab berdi, yo'l-yo'lakay Asensioni raqib futbolchisi "chopdi", lekin to'p mehmonlarda qolgani sabab hakamning hushtagi yangramadi. Roke Mesa oson qutilib qoldi.
25-daqiqa. Yana burchak zarbasi. Hozircha standartlar, ayniqsa burchak zarbalari ko'p amalga oshirilmoqda.
24-daqiqa. Kroosning uzatmasidan keyin to'p himoyachiga tegib, yo'nalishini o'zgartirdi va darvozabonning qo'liga borib tushdi.
23-daqiqa. GOOOOL! Mariano Dias hisobni ochdi, ammo gol inobatga olinmadi. Hujumchi o'yindan tashqari holatda qolib ketgan ekan.
22-daqiqa. Marko Asensioning faolligi sabab "Real" navbatdagi burchak zarbasini ishlab oldi, lekin bu safar ham ish yakuniy, mukammal zarbagacha bormadi.
19-daqiqa. Asensio to'p uzatishda xatoga yo'l qo'ydi, aks holda Vinisius katta tezlik olgan va xavfli qarshi hujum sodir etilishi mumkin edi.
18-daqiqa. Mezbonlarning chap qanotdan boshlanayotgan hujumi rivojlanib ulgurmay, yakunlandi.
16-daqiqa. "Real" futbolchilari burchak zarbasidan naf chiqara olmadi.
14-daqiqa. "Valyadolid" hujumga o'tmoqchi edi, ammo to'p uzatishdagi xato bunga yo'l qo'ymadi. "Real" yana to'p nazoratini o'z qo'liga olishga urinmoqda.
12-daqiqa. Asensio qanotdan markaz tomon kirib bordi va zarba yo'lladi, lekin noaniq.
10-daqiqa. Avvaliga "Real" jarima maydoni ichida Kazemiro bilan kurashda raqib futbolchisi yiqilib tushdi. Qarshi yo'nalishda tashkillashtirilgan hujumda esa Mariano ikki raqib orasidan to'p bilan o'tib keta olmadi.
7-daqiqa. Kutilmaganda "Valyadolid" hujumga o'tdi va anchayin keskin tarzda harakat qildi hamda faqatgina Kurtuaning ishonchli o'yini jamoasini muqarrar goldan qutqarib qoldi.
5-daqiqa. Oldinda ECHL bellashuvi ham borligini tushunib turgan "Real" bu o'yin taqdirini tezroq hal qilish payida.
4-daqiqa. Luis Makeda qiyinchilik bilan to'pni uzoqlashtirdi, jarima maydoni tashqarisidan Kroos yo'llagan zarba esa qovushmadi.
3-daqiqa. Navbatdagi urinish o'ng qanotdan bo'ldi va Lukas Vaskes qo'pollik bilan to'xtatildi. Jarima zarbasini Asensio amalga oshirmoqchi.
2-daqiqa. CHap qanotdan uyushtirilgan hujum burchak zarbasi bilan yakunlandi, lekin Zizu shogirdlari undan naf chiqara olishmadi.
1-daqiqa. O'yin boshlandi. Uni mehmonlar boshlab berishdi.
YANGILASH
Jamoalarning asosiy tarkiblari malum bo'lib ulgurgan.
"Valyadolid" – "Real Madrid"
01.00, "Xose Sorrilya" stadioni
"Valyadolid" – Masip, Yanko, Bruno Gonsales, Peres, Xoakin Fernandes, Orelyana, Alkaras, Mesa, Kike Peres, Nacho Martines, Gvardiola.
"Real Madrid" – Kurtua, Nacho, Mendi, Varan, Vaskes, Kazemiro, Modrich, Asensio, Kroos, Vinisius Junior, Mariano Dias.
 Real Valladolid | LaLiga . 24-tur 21/02/2021, 01:00 1 : 0 2-bo'lim |  Real Madrid Casemiro - 65' |
Stadion: Estadio Jose Zorrilla, 0 tomoshabin
Bosh hakam: Guillermo Cuadra
Bosh sahifaga
244
12 Iyul 2025, 11:05