- "G'ijduvon" shunday o'yin ko'rsatishini kutgandik. Birinchi bo'limda ishlar unchalik o'xshamadi, ikkinchisida ham. Bugun g'alaba qozonib, uch ochko qo'lga kiritganimiz eng muhimi bo'ldi.
- Gol haqida fikringiz. CHiroyli gol urildi.
- Standartdan keyin uriladigan golni ancha vaqt kutdik. Bugun yaxshi kun bo'ldi, chunki standartdan gol ura oldik. Uzoq vaqt standartlardan gol urish bo'yicha ishladik. SHu boisdan bugungi kunni quvonchli kun desak bo'ladi.
- O'yinning og'ir o'tishini kutganmidingiz?
- Oson bo'lmasligini kutgandik. O'yin so'ngida himoyada o'ynashga, to'pni tepib yuborishga ham tayyor bo'lib turgandik. Aytganimdek, barcha rejalar amalga oshmadi. O'yinni ko'rib chiqamiz, taxlil qilamiz va yigitlar bilan bu borada gaplashib olamiz.
- Keyingi tur o'z maydonimizda "SHo'rtan"ga qarshi o'tkaziladi. Bu o'yinga jamoa qay tariqa tayyorlanadi?
- So'nggi o'yinlar ancha qiyin o'tadi. Jamoani reja bo'yicha tayyorlaymiz. O'z maydonimizda yutishga majburmiz.
- Birinchi bo'limda golga tortadigan yaxshi vaziyatlar bo'ldi, biroq gol urilmadi. Futbolchilarda yoki o'ziga bo'lgan ishonch ko'payib ketdimi yoki boshqa sabab bo'ldimi?
- Bunday paytda futbolchida gol urish yoki urmaslikdan boshqa fikr bo'lmaydi. Qaerdadir darvozabon yaxshi o'ynadi va jamoasini goldan saqlab qoldi. Qaerdadir o'zimiz yaxshi vaziyatda raqib darvozasiga noaniq zarba yo'lladik. Sabab sifatida texnik "braklar"ni yoki raqib posbonining mahoratini keltirib o'tsam bo'ladi. Nafaqat ushbu vaziyatlar, balki, boshqalarini ham ko'rib chiqishimiz kerak. Asosiysi - oson bo'lmagan safar o'yinida uch ochko oldik. Endi navbatdagi o'yinga tayyorlanamiz.
Bosh sahifaga
232