Championat.Asia'ning hakamlik bo'yicha eksperti, rossiyalik sobiq hakam Anatoliy Sinyaev ("Alyo, ref!") Superliga 19-tur o'yinlaridagi bahsli hakamlik qarorlarini tahlil qildi. Eslatib o'tamiz, turning ikki o'yini noyabrga ko'chirildi: "Turon" - "Neftchi" va "Buxoro" - "Olimpik".
✅ OKMK – "Metallurg"
VIDEO
Ushbu vaziyatda to'p "Metallurg" himoyachisining tabiiy holatda turgan qo'liga tegdi, ammo bir jihat bor. Agar o'yinchi statik holatda bo'lganida, penalti haqida gap ham bo'lishi mumkin emasdi. Ammo, "Metallurg" o'yinchisi elkasi bilan harakat qilmoqda va to'p qo'lga tekkan holda o'z parvozini to'xtatmoqda. Bunday epizodlar UEFAning ilmiy materiallarida bor va himoyachi tomonidan fol to'g'ri qaror deb ataladi. Hakamning harakatini qo'llab-quvvatlash kerak — penalti to'g'ri belgilandi.
✅ "Andijon" - "Navbahor"
VIDEO
So'zsiz, fol. "Navbahor" o'yinchisi o'yindan tashqari holatda turganda sakragan holda "Andijon" darvozaboniga halaqit bermoqda. Hujumchining darvozabon ko'rish yo'lini to'sgan yoki to'smagani muhim emas, bu talqinni XFAK tavsiyalaridan olib tashlashgan. Endilikda darvozabonga yaqin bo'lgan masofadan to'pga va to'pdan harakat erkin zarba bilan jazolanadi. To'g'ri qaror — o'yindan tashqari holat. O'zbekiston futbol hakamlari markazi tushuntirishiga qo'shilaman.
❌ "So'g'diyona" - "Paxtakor"
VIDEO
Menimcha, bu shunchaki ehtiyotsizlik tufayli odatiy fol. "Paxtakor" o'yinchisi to'pga birinchi bo'lib o'ynamoqda, "So'g'diyona" himoyachisi raqib tizza hududiga oyog'i bilan o'ynagan holda harakat qilmoqda. Himoyachi to'pga o'ynamadi, kontakt bor, kontaktning kuchayishi esa ko'rinmagan. Penalti belgilash kerak edi. VAR maydonda hakamning yaqqol xatosini aniqlash uchun etarli bo'lmagan takroriy vaziyatlar sifati sabab qo'shilmasligi mumkin edi.
❌ "So'g'diyona" - "Paxtakor"
VIDEO
Kichik kontakt, ammo vaziyatni "So'g'diyona" himoyachisi tomonidan qoida buzilishi deb hisoblagan hakam ko'z o'nggida. Hozirda bunday kontaktlar uchun penalti belgilamaslik tendenciyasi ketmoqda. Ammo, maydondagi hakam shiddatni yuqori deb hisoblamasa, VAR'ning uni qo'llab-quvvatlamaslikka haqqi yo'q. VAR'ning penalti belgilanmagan taqdirda ham hakamni monitorga chaqirmagan bo'lishiga ishonchim komil. Vaziyat hakamning o'zida, ammo ko'proq o'yinni davom ettirish qarori to'g'riroq.
✅ "Nasaf" - "Bunyodkor"
VIDEO
"Bunyodkor" himoyachisi "Nasaf" hujumchisi bilan parallel yugurmoqda va maydonga oyog'ini qo'ymoqda, keyinchalik esa hujumchi yiqilmoqda. O'yinchilar o'rtasida hech qanday kontakt yo'q edi. O'yinni davom ettirish - optimal qaror.
✅ "Nasaf" - "Bunyodkor"
VIDEO
Yakunlangan zarbadan keyingi o'yin kontakti. "Nasaf" darvozaboni qoidaga qarshi harakat qilmayapti - u to'pni bartaraf etish, to'xtatishga urinmoqda. Futbolchilar o'rtasida qoida buzilishi hisoblanmaydigan tabiiy o'yin holati yuzaga kelmoqda. Hakam hech bir tomonning folini qayd etmagan holda to'g'ri qaror chiqardi.
Bosh sahifaga
223