A Seriya so'nggi turi doirasida «Napoli» «Bolonya» bilan durang (0:0) qayd etdi. Uchrashuvning 73-daqiqasida Viktor Osimxen penaltidan gol kirita olmagach, bosh murabbiy uning o'rniga 86-daqiqada Jovanni Simeoneni maydonga tushirdi. Bundan junbushga kelgan nigeriyalik forvard maydonni tark etayotganida Rudi Garsiyaga noroziligini namoyishkorona ko'rsatdi.
Il Mattino xabariga ko'ra, Neapol klubi Osimxenga chora ko'rish masalasini ko'rib chiqmoqda. Qayd etilishicha, jamoa sardori Jovanni Di Lorenco o'yindan keyin kiyinish xonasida Osimxen bilan jiddiy ohangda gaplashib olgan.
Murabbiy ham bugun klub qarorgohida hujumchi bilan o'zaro uchrashib, gaplashib olishi kutilmoqda.
Malumot uchun, 24 yoshli forvard joriy mavsum 6 o'yinda 3ta golga mualliflik qilgan. Amaldagi chempion turnir jadvalida 7-o'rinda bormoqda.
Bosh sahifaga
240