Hindistonlik Devid Bekxem Elkatohchungo va Ronaldo Laytonjam Singx velosport bo'yicha Xitoyda o'tkazilayotgan Osiyo o'yinlarida ishtirok etishdi.
Ronaldu seshanba kungi sprint bahslarida jamoasiga beshinchi o'rinni egallashida yordam berdi.
Bekxem esa chorshanba kungi sprint bahslarida to'qqizinchi o'rinni egalladi.
"Mening otam milliy terma jamoada o'ynagan va Devid Bekxemning ashaddiy muxlisi edi. Onam shifoxonaga kelganida, o'g'il farzand dunyoga kelsa, Devid Bekxem deb ism qo'yilishini aytishgan. 14 yoshimgacha futbol o'ynaganman, 2017 yildan beri velosport bilan shug'ullanaman", dedi Elkatohchungo.
Laytonjamning otasi esa braziliyalik futbol sehrgari Ronaldino (asl ismi Ronaldo)ning ashaddiy muxlisi edi.
2002 yilgi jahon chempionati paytida ish bilan Kashmirga borgan Laytonjamning otasi Ronaldinoning Angliya darvozasini ishg'ol qilishiga bazi do'stlari bilan pul tikkan, yakunda braziliyalik futbolchi gol urib, jamoasining 2:1 hisobida g'alaba qozonishiga hissa qo'shgan. Uchrashuv yakunlanganidan bir necha daqiqa o'tgach, otaning telefoni jiringlab, deyarli 2000 km masofa narida farzandi dunyoga kelgani haqida xabar berishgan.
"Ronaldino tepgan to'p darvozaga kirgach, dunyoga kelgan bo'lsam kerak. O'sha kuni otam mo'maygina pul yutib olgan. SHu bois bo'lsa kerak, mashhur ismga ega bo'ldim. Bu men uchun omadli hisoblanadi", dedi hindistonlik sportchining o'zi.
Bosh sahifaga
873