- O'yin startida ishlar unchalik o'xshamadi. CHunki bir oy bo'ldi-ki, rasmiy o'yinlarda ishtirok etmadik. SHuningdek, bir qancha yigitlarda hayajon ham sezildi. O'yin boshida kimlardadir vahima sezildi, keyin barcha o'zini tiklab oldi va nazorat qilishni boshladi. Xursandman, bugun nafaqat gollar urdik, balki, yaxshi o'yin ham namoyish qildik.
- O'yinlar orasidagi vaqtning kattaligi bugungi o'yinda qanchalik sezildi?
- Aytganimdek, tasiri katta bo'ldi. O'yin boshida keraksiz joylarda to'p yo'qotdik. Yigitlar tonusdan chiqib qolgani sezildi. Yigitlarga rahmat aytaman. Ular o'zlarini ham nazoratga olib, to'p bilan bo'lib, yaxshi o'yin ko'rsatishdi. Albatta, bu holat ham o'z so'zini aytdi. O'yin yarmiga kelganda biz birdam kollektiv sifatida ko'rina boshladik, bosimni oshirdik va raqib himoyasini yorib o'tib, natijaga erishdik.
- Gruziyalik Nikabadzening o'yini haqida.
- Ular kerakli ko'rsatmalarni, o'zlarining funkciyalarini bajarishmoqda. Ular gol urishlari, muhim paslarni berishlari kerak. U bugun ushbu vazifasini qoyilmaqom tarzda bajardi. Giorgidan mamnunman, bugun ikkita gol urdi. Uchinchisini esa hisoblashmadi. Sababini bilmayman, epizodni ko'rmadim. Uni O'zbekiston chempionatidagi pochin bilan tabrikladim. Endi u navbatdagi uchrashuvini yanada ishonchliroq tarzda o'tkazadi.
- Keyingi o'yin asosiy raqobatchiga qarshi safarda o'tkaziladi. Bu haqda nima deysiz?
- "Nasaf" - katta maqsadli jamoa. Ularning o'yinlari yaxshi. Bo'lajak uchrashuv barcha uchun og'ir o'tadi. "Nasaf"ni taxlil qilib chiqamiz, ular qay tariqa o'yin qurishadi, qanday qilib keskin hujumlar uyushtiradi. Qarshidan ijobiy natija bilan qaytishga harakat qilamiz.
- Bugungi g'alabani kimga bag'ishlagan bo'lardingiz?
- Barcha g'alabalarni muxlislar uchun bag'ishlaymiz. Ular tribunani to'ldirib, bizni ajoyib tarzda qo'llab turishibdi. Ularga minnatdorlik bildiraman.
Bosh sahifaga
201