- O'yin haqida fikringiz...
- Bugun ochiq o'yin guvohiga aylandik. “Olimpik” yo'qotishlarga qaramasdan yaxshi o'yin namoyish etdi. Ikkala jamoa ham ochiq o'yin ko'rsatgani uchun ko'p hujum sodir etildi. Biz o'z vaziyatlarimizdan unumli foydalandik va g'alaba qozondik.
- Hisob 2:1 ko'rinish olgach, jamoa beshta himoyachi bilan o'ynadi va o'z ahvolini biroz qiyinlashtirib yuborgandek tuyuldi. “Olimpik” hisobni tenglashtirishga ham yaqin keldi. Bu qaror qanchalik to'g'ri bo'ldi deb o'ylaysiz?
- Ikkinchi bo'limni sekin boshladik, biroz bo'shashdik. Raqib esa yaxshi hujum qildi va gol urdi. SHuning uchun himoyada jipslashib o'ynashimiz kerak edi. Sxema o'yindan oldin rejamizda bor edi. Biz bu taktikada ham yaxshi o'ynaymiz. Raqib hujum qilganida, ushbu taktikani qo'lladik. Bu holatda ham yaxshi hujumlar tashkil qildik, uchta vaziyat sodir etildi va bularning biridan unumli foydalandik. SHogirdlarimga tanaffus vaqtida bo'shashmasliklarini aytgandim.
- Qarshi hujumlar paytida standart vaziyatlarda Husniddin Aliquvlovdan so'ng Alibek Davronov bosh bilan juda zo'r o'ynay olishini isbotladi. Biroq u bugungi bahsda ishtirok etmadi. Futbolchilarni FIFA kunlari bo'lmagan vaqtda olib ketilishiga qanday qaraysiz?
- Zamonaviy futbolda standartdan foydalanish juda muhim hisoblanadi. Juda ko'p o'yinda standartdan foydalanish zaruratga aylandi. Bugungi kun futbolida jamoalar, asosan, himoyaviy o'yin ko'rsatishni boshlamoqda. SHuning uchun standart vaziyatlar juda muhim bo'lib qoldi. Alibek ikkinchi qavatda juda yaxshi o'yin ko'rsata oladi. Bu biz uchun katta yo'qotish edi. shunga qaramay, boshqa uslubda ham o'ynay olamiz. Biz beshta himoyachi bilan ham yaxshi o'yin ko'rsata olamiz. “Al Faysali”ga qarshi bahsda hisob 1:0 payti ushbu uslubda yaxshi o'yin ko'rsatdik.
Bosh sahifaga
248