Video  Mirjalol Qosimov: "Haqli ravishda durang o'ynadik"

- O'yin haqida fikringiz...

- Qiziqarli va ochiq o'yin guvohiga aylandik. Ikkala jamoa ham g'alabani maqsad qilib, maydonga tushgandi. Birinchi bo'limni g'alaba bilan tark etdik. Yaxshi imkoniyatlarni yuzaga keltirgandik. Hisobda oldinda borayotganimizda Sanches raqib posboni bilan birga-bir vaziyatdan foydalana olmadi. Futbol shunday epizodlardan iborat. Kimdir bundan foydalanadi, kimdir aksincha. SHu bois, haqli ravishda durang o'ynadik, deb o'ylayman. Ikkala jamoa ham g'alaba uchun harakat qilgandi. 

- OKMKning yaxshi o'yin namoyish etgani hamda ko'p vaziyat yaratganini inobatga olsak, klub bugungi bahsda 1 ochko ishladimi yoki 2 ochko boy berdimi?

- Nasib qilganiga erishamiz. "Metallurg"ga qarshi o'yinda ham juda ko'p imkoniyat yaratgandik. Bekobodliklar yo'llagan beshta zarbaning to'rttasi golga aylandi. Biz esa yigirmaga yaqin zarba yo'lladik. 

- Omadsiz o'yinlardan so'ng jamoa o'yinidan qoniqdingizmi?

- Biz principial jihatdan yaxshi o'yin namoyish etmoqdamiz. Bekobodliklarga qarshi bahsda ham o'yinni nazorat qildik va yomon o'yin namoyish etmadik. Futbolda bunday holatlar uchrab turadi. Bugun ham birinchi bo'limda 2:1 hisobida oldinda edik, ikkinchi bo'limda Rubin Sanchesda yaxshi vaziyat yuzaga kelgandi, ammo u raqib posboni bilan birga-bir vaziyatda gol ura olmadi. Boshqa jamoalar singari bugun "Paxtakor"ga qarshi bor kuchimizni ishga soldik. Oldimizga 3 ochko olish vazifasi qo'yilgandi. Bugun ikkinchi bo'limda oqsadik, qulay vaziyatlardan unumli foydalana olmadik. Yana shunday ketsak, jamoa muvaffaqiyatsizlik tubiga g'arq bo'ladi. Ammo bizda hali bunday emas. Bugun ham g'alaba qozonishni xohlagandik. Jamoada hech qanday inqiroz yo'q. Bu normal holat.

- "Metallurg"ga qarshi bahsdan so'ng deyarli barcha chiziqda o'zgarish qildingiz. Bu futbolchilarning avvalgi o'yinlardagi charchoq alomati bilan bog'liqmi yoki ularga berilgan vazifani bajarolmagani bilan bog'liqmi?

- SHuni esdan chiqarish kerak emaski, yana uch kundan keyin o'yinimiz bor. OCHL safaridan so'ng Bekobod klubi bilan oxirigacha kurash olib bordik. O'zim ko'p rotaciya qilaman. Keyingi o'yinni ham inobatga olganmiz.