- O'yin og'ir bo'lishi kutilgandi. Ayni damda bizda holat og'ir edi. Jarohatlar, diskvalifikaciya sababli hatto zaxiradagi futbolchilar ham kamchilikni tashkil qildi. Yoshlar bor, biroq yordam beradigan darajada emas. "Qo'qon-1912"ni yaxshilab o'rganib chiqib, tayyorlandik. Umuman olganda barcha uchrashuvlarga shunday tayyorlanamiz. Bugungi raqibni yaxshi taxlil qilganimiz sababi - ayni damda "Qo'qon-1912" Superligaga chiqishga davogarlik qilmoqda, "Lokomotiv" va "Dinamo"ga ular jiddiy qarshilik ko'rsatishyapti, yozda tarkibini ham kuchaytirib oldi. Bugungi durangni esa oltinga teng desa bo'ladi. Hozir kuchli beshlikka harakat qilyapmiz. Muxlislarni xursand qilish uchun yigitlardan shuni talab qilgandim. Doimo g'alaba uchun tayyorgarlik ko'ramiz. Biroq bu futbol. Yutish ham yutqazish ham mumkin. Bugungi durangni adolatli natija deb o'ylayman.
- Himoyadagi o'yin anchagina yaxshi bo'ldi. Ammo hujumda qanday muammolar bor?
- Tarkibdagi yoshlardagi tajriba. Niyozmetov ushbu mavsum davomida zaxira futbolchisi edi. Mana bugun unda imkoniyat bo'lgandi. SHunda ham u o'z darajasida o'ynadi. Kelasi o'yinlardan u o'zini ko'rsatishni boshlasa kerak. CHunki uni 3 hujumchilik taktika bilan birinchi marta o'ynatishim. SHu sababli unda tushunmovchiliklar bo'lgan. Himoyada yigitlar oldilariga qo'yilgan vazifani bajarishdi, yani, gol o'tkazib yuborishmadi. Hujumda esa qarshi hujumlar asosida o'ynashni reja qilgandik. "Qo'qon-1912" standartlardan keyin katta muammolar yaratdi.
- Nevil Tengegning zaxirada qoldirilishiga sabab?
- Jarohati bor. "Dinamo"ga qarshi o'yinning ikkinchi bo'limida unchalik jiddiy bo'lmagan jarohat oldi. O'tgan hafta davomida davolandi. Navbatdagi o'yinlarda uni ko'rib qolishimiz mumkin.
Bosh sahifaga
143